13 Reasons Why [S02 : E10] | හිනාවෙයංකො පොඩ්ඩක්…

ඔන්න එහෙනං හේතු 13 තවත් එපියක් අරගෙන මං ආවා..ඇත්තම කියනව නං මං මේක ඒ හැටි කැමැත්තකින් කරපු ටීවි සීරිස් එකක් නෙවේ ළහිරු සහෝගෙ ඉල්ලීම අහක දාන්න බැරි නිසා තමා ගත්තෙ.මේ වෙනකොට කතාව බලාගෙන යන ඔයාලටම තේරිල ඇති කලින් සීසන් 1 තරම් ගතියක් නැහැයි කියල. ගොඩක් අය මේක එන්න කලින් ඉදල අදහස් පවා දක්වලා තිබුණ යම් යම් වෙබ් පිටුවල මේකෙන් වෙන්නෙ කතාවට හානියක්ය කියල. ඔව් ඒක ඇත්ත කතාවට හානියක් වුණා. හැබැයි මට හැඟෙන විදිහට කතාවෙ මහා ලොකුවට අනා ගෙන නෑ. එන්ටර්ටේනිං ගතිය ත්‍රිල් එක කලින් වගේම නැතත් යම් තරමකින් තියනව කියන්න පුළුවන්. ඒ වුණාට තාත්වික ගතිය එන්න එන්නම අඩු වෙන සේයාවක් පෙනී යනව. කොහොම වුණත් 13 රීසන් වයි බලන කතාවට ආදරය කරන සෑහෙන පිරිසක් තාමත් කතාව වටා එක් රොක් වී ඉන්නව. ඒ හැමෝම වෙනුවෙන් බයිස්කෝප් අපි මේ සීසන් එක දිගටම ගේනව.

කලින් කතාව ගැන මතක් කරගන්නව නං ගිය එපියෙදි මිස්ටර් පොටර්ගෙ පාපෝච්චාරණයෙන් ප්‍රකාශ වෙනව හැනා බ්‍රයිස් අතින් දූෂණය වීම පිළිබඳව එයා මුලින් දැනගත්තෙ හැනාගෙ මරණයෙන් පස්සෙ බවට..බ්‍රයිස් හැනාගෙ අම්මගෙන් සමාව ගන්නව හැනාගෙ මරණයට එයත් කොටස් කාරයෙක් වුණ එක ගැන. ඒවගේම ඔයාලට මතක ඇති ජස්ටින් එයාගෙ අම්මගෙ පෙම්වතාගෙන් සල්ලි හොරකං කරන්න ගිය වෙලාවෙ එයාට එයාගෙ අම්මව මුණගැහුන විත්තිය. මේ වෙලාවෙදි ජස්ටින් එයාගෙ අම්මට නොකිය කියනව එයා ඇය පැනල ගියේ සම්බන්ධකම් වලින් මිදෙන්න ඕන වෙලයි කියල. ඒ වගේම මේ අතර වාරයේ බ්‍රයිස් කාරය ක්ලේව ගිහිං හම්බවෙලා තර්ජනය කරනව. බ්‍රයිස් හිතුවෙ මාක්ස්ව බය කරලා ප්‍රසිද්ධියේ චෝදනා කරන්න සැලැස්සුවේ ක්ලේ කියල. පස්සෙ ක්ලේ පාසලේ ඇතුලෙදි මුහුණු බැඳගත්ත ළමයි 4 දෙනෙක්ගෙන් හොඳට ගුටි කනව. ක්ලේ ගිහිං හම්බවෙනව සයිරස්ව..හැන්දෑවට ඉස්කෝලෙ කැලෑ පත්තර ගහන්න යන්න ක්ලේට ආරාධනා කල කෙනාව. හම්බවෙලා එයාලත් එක්ක යනව හැන්දෑවෙ මේ වැඩේට. එතකොට තමා ක්ලේට බේස් බෝල් පිට්ටනියට යාබදව තියන ගබඩාවක් ඇතුලට ඇදෙන ළමයි කණ්ඩායමක් ඇහැ ගැටෙන්නෙ. ක්ලේට එකෙන්ම ඔළුවට එනව මේක වෙන්න ඕන ‘ක්ලබ් හවුස්’ එක කියල. ක්ලේ සනිකව ජස්ටින්ට කෙටි පණිවුඩයකින් එන්න කියනව. මේ අතර වාරයේ ඔලිවියා සාරාව කියන ගෑණු ළමයවයි එයාගෙ අම්මවයි සම්බන්ධ කරගෙන ඉල්ලනව පාපෝච්චාරණය කරන්න යන්න එපයි කියල උසාවියට. ඔන්න ඔහොමයි පසුගිය එපිය ගෙවීගෙන ගියෙ.

අද එපියෙදි ටෝනි යනව උසාවියට පාපෝච්චාරණ කරන්න. පාපෝච්චාරණයෙදි ටෝනි ඇහුවත් කියන්නෙ නෑ හැනා එයා ගාව ටේප් ටික දාලා ගියෙ එයා හැනාට උදව්වකින් ණය නිසා කියන වගක්. ඒවගේම සාරත් එනව උසාවියට එයාගෙ පාපෝච්චාරණය කරන්න. ඇවිල්ල කියනව හැනා තවත් ගෑණු ළමයි දෙන්නෙක් එක්ක එක්කහු වෙලා එයාට කරපු කරදර වගයක් ගැන..ඔයිට වඩා මං කියන්න යන්නේ නෑ අද එපිය ගැන. හැනාගෙ තවත් එක අඳුරු පැත්තක් අද කතාවෙන් එළිදරව් වෙනව කීවොත් නිවැරදියි. ඔයාලම අරං බලන්න. ඊළඟ එපිය අරගෙන දොන් ලියෝ අල්මේදා පෙරෙරා සහෝ ඒවි. මං ගියා ජය වේවා..!!!