3% [S02 : E03] | එළිවුණු හොරවැඩ!

බයිස්කෝප්වාසී සියලු දෙනාටම සුබ දවසක්. ඔන්න අද උපසිරසි අරන් එන්නෙ ටිකක් හිරවෙලා තිබ්බ කතාමාලාවකට, 3% තමා මේකේ නම. ටිකක් අමුතුයි නේද. නම වගේම තමා කතාවත් වෙනස්ම රසයක් තියෙන්නේ. අද ඉතින් මේ කොටස බලන අයට ආය අමුතුවෙන් කියන්න ඕන නෑනේ මේ කතාවේ රසය ගැන. මට තමා තුන්වෙනි සහ හතරවෙනි කොටස් බාරවෙලා තියෙන්නෙ. පළවෙනි සහ දෙවෙනි කොටස් වලට අපේ කවිෂල් රසින්ත(කවී) මලය උපසිරසි අරගෙන ආවනේ.

හරි මුලින්ම කියන්න ඕන දෙයක් තියෙනවා, මේ කොටස් දෙකට උපසිරසි දෙන්න ඕන නිසාම මම මුල් කතා මාලාව සම්පූර්ණයෙන්ම නැරඹුවා. ඇත්තටම නෙට්ෆ්ලික්ස්ලගේ ගින්දර වැඩක් කියන්න පුළුවන් මේක. ඒ වගේම මගෙ හිතට අල්ලලා ගියා සෑහෙන්න. සුපිරි කතාමාලාවක්. තව දෙයක් කියන්න ඕන කරුණාකරලා පෘතුගීසි භාශාවෙන්ම තියෙන වීඩියෝ පිටපත ඩවුන්ලෝඩ් කරගන්න. මොකද මාත් ඕකට අහුවුනා. මාත් ඩව්න්ලෝඩ් කරේ ඉංග්‍රීසි හඩකවපු පිටපතක්. ආපෝ සසර කළකිරුන මටනන්. කටහඩවල් මෙලෝ රහක් නෑ. හරි ඔයාලට අපේ බයිස්කෝප් ඩවුන්ලෝඩ්ස් සයිට් එකෙන් හොද ගුණාත්මක පිටපත් ලබා දෙයි. ඉතින් මම නන් නිර්දේශ කරන්නේ අන්න ඒකෙන්ම ඩව්න්ලෝඩ් කරගන්න, නැත්තන් ඉතින් කොහෙන් හරි කමක් නෑ පෘතුගීසි කොපියම හොයාගන්න.,

පෙර කොටස පොඩ්ඩක් මතක් කරගමු කට්ටියට මතක ඇතිනේ මිශෙලිගේ අයියා පරිවාසෙට දාල ඉන්නවා. ඉතින් මිශෙලිට ඕන කොහොම හරි අයියව බේරගන්න. ඒ වගේම දකින්න ඇති රෆායල්ට ඕන වෙලා තියෙන්නේ කොහොමහරි පිටිසරට පණිවිඩයක් යවාගන්න. ඒත් රෆායල්ගේ අලුත් පෙම්වතියගෙන් ඔහු දැනගන්නවා අක්වෙරළේ සංඛ්‍යාත අවහිර කරල තියෙන්නේ කියලා. ඉතින් ඊට පස්සේ ඔහු උත්සහ කරන්නේ කොහොම හරි පිටිසරට යා ගන්න. ඉතින් ඔයාල දකින්න ඇති රෆායල් අවසානෙදි කොහොමහරි පිටිසරට එන සබ්මැරීන් එකට නැගගන්නවා.

අද කතාව ගැනත් ටිකක් විතර කියන්නන්. ඔන්න අද තම කතාව හරියටම පටන් ගන්නේ. කලින් එපි දෙකේ පොඩ්ඩක් විතර ඒකකාරී වෙන්න ඇති කට්ටියට. අද ඉදන් ප්‍රනාන්දු සහ ජොවානා ගේමට එන්ටර් වෙනවා බලාගන්න පුලුවන්. ඒ වගේම අවසානේදී රෆායල්ගේ බොරු සේරම එස්කියල්ට අහුවෙනව වගේම මිශෙලිගෙ බොරුවත් කෝස් එකට එලිවෙල මහ ජරමරයකින් තමා ඉවරවෙන්නේ… මට හොදටම විශ්වාසයි අපේ නරඹන්නන් ඊලග එපිය බලනකන් ඇගිලි ගැන ගැන බලන් ඉදියි.

හරි එහෙනන් මම මේ කතාවට සම්බන්ධ වුනේ කවිෂාල් රසින්ත මල්ලි හරහා. ඔහුට ගොඩක් ස්තූතිවන්ත වෙනවා මාව මේ කතාවට සම්බන්ද කරගත්තාට. ඒ වගේම මේ කතා සමයෙදී කවිනු වීරක්කොඩි, බේනුක නිම්හාන් සේනාධීර සහ උදයංග සම්පත් කියන සහෝදර උපසිරසි කරුවන් අපිත් එක්ක එකතුවෙලා ඉන්නවා. හතරවෙනි කොටසටත් උපසිරසිය අරගෙන එන්නෙ මමමයි. ඒකත් ඉක්මනින්ම ඔයාලට දෙන්න බලාපොරොත්තු වෙනවා. හරි එහෙනන් දිගටම රැදී ඉන්න බයිස්කෝප් සමග. ඔබට ජයවේවා….

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්.