Arrow [S06 : E14] | මිත්‍ර ඝට්ටනය..

කෙසේද හිතවතුනි. ඔන්න එහෙමනම් දීර්ඝ පමාවකින් පස්සේ ගෙනාවා ඇරෝ 14වන කොටස. ආ ඔව් ඔව්. වෙනදා කෙනා නෙවේ තමා. කවිදු සහෝ කාර්යබහුල වීම හේතුවෙන් වෙන්නැති එයාට මේක කරගන්න බැරි වෙලා. ඉතින් අපේ හසන්ත සහොගේ ඉල්ලීම මත තමයි මම මේ කොටහට උපසිරසි කලේ. එහෙමනම් අපි බලමු කතාවේ මොකද වෙන්නේ කියලා.

දිගු කාලයක් ඔලිවර් ඇතුළු කණ්ඩායමට තර්ජනයක් වෙලා තිබුණු කේඩන් ජේම්ස්ගෙන් නිදහස් වෙන්න අන්තිමේදී ඔලිවර් ඇතුළු කණ්ඩායමට හැකි උනා. හැබැයි ඉතින් කේඩන් ජේම්ස්ව අල්ලලා හිරේ දැම්මා කියලා කරදරවලනම් ඉවරයක් උනේ නෑ. කට්ටිය දකින්න ඇතිනේ කලින් කොටසෙන් අලුත් පැනයක්, ඇත්තම කිව්වොත් ප්‍රශ්න කීපයක් ඇති උනාය කියලා.කේඩන් ජේම්ස්ගෙ පුතා ඔවන්ව මරලා දාලා ඇරෝව අහු කරන්න හැදුව කෙනා ඇනටෝලි,ලෝරල්, ඩියැස් තුන්දෙනාගෙන් කෙනෙක් කියලනේ කේඩන් සැක කලේ. හැබැයි අවසානයේ ඒ සැකය නිරවුල් උනානෙ. කට්ටියම දැක්කනේ ඩියැස් තමයි මේ මහා සැලැස්මේ පිටුපස ඉන්නේ කියලා. සැබවින්ම ඔහුගේ දීර්ඝකාලීන කූට උපායේ අරමුණ වෙලා තියෙන්නෙ නගරය අස්ථාවර කරලා බලය අල්ලාගැනීම කියලා ඔහු කිව්වා. ඒ වගේම ඩියැස් කිව්ව විදිහට අලුත් පොලිස් කැප්ටන් වැඩ කරන්නෙත් මිනිහට.

ඒ අස්සේ ජේම්ස් ලබාගත්තු ඩොලර් මිලියන 70 නැතුව නගරේ ආර්ථිකය කඩා වැටිලා. ඔලිවර් සල්ලි නැවත ලබාගන්න උත්සහ කළත් ඒ වෙද්දීත් බ්ලැක් සයිරන් ඒ ටික අරගෙන. ඉතින් ඔලිවර් ඇතුළු කණ්ඩායම මුදල් ලබාගැනීමේ පරමාර්ථයෙන් ලෝරල්ව හොයද්දි ඩයිනා ඇතුළු පිරිස පළිගැනීමේ අරමුණින් ඇයව හොයනවා. කොහොමින් කොහොමහරි ඔය කරුණු කාරනා හින්දම අද කණ්ඩායම් දෙක අතරේ තිබ්බ හිත් අමනාපකම් දුරදිග ගිහින් සටනක් පවා ඇති වෙනවා.

ඉතින් කස්ටිය බලලම දැනගන්න මේ කොටසින් මොන වගේ දෙයක් සිද්දවෙයිද කියලා. ඉදිරියේදී අපට බලාගන්න ලැබෙයි ඩියැස්ගේ සැලැස්මෙන් නගරයට සහ ඔලිවර්ට මොනවගේ ගැටළු මතුවෙයිද කියලත්. එහෙමනම් ඊලග කොටස ඔයාලට වෙන සහෝදර උපසිරසිකරුවෙක් රැගෙන එයි.