Arrow [S07 : E11] | පෙර පව් පස්සෙන් පැන්නීම!!

ඔන්න එහෙමනම් ගෙනාවා ඇරෝ හත්වන කතාමාලාවේ 11වන කොටස. මාසෙකට වැඩි නිවාඩුවකට පස්සෙ ඉතින් ගිය සතියෙනේ කතාව පටන් ගත්තේ. හැබැයි ඉතින් බාගත කිරීම් සහ ප්‍රතිචාර දිහා බලද්දීනම් පේන්නේ කට්ටිය කතාව බලන එක අඩු කරලද මන්දා කියලා. හොදයි ඒවා කොහොම උනත් සබ ගෙනාවා අදත්. අපි බලමු කතාවේ මොකද වෙන්නේ කියලා.

ගිය සතියේ අපිට දැක බලාගන්න ලැබුනා අලුත් ඇරෝ තමන්ගෙ මවගේ මරණය වෙනුවෙන් පලිගැනිමක නිරත වෙන කෙනෙක් බව. ඒ වගේම රොබට් ක්වින් ඒ කියන්නෙ ඔලිවර්ගේ තාත්තත් මේ ළමයාට ලොකුම අසාධාරණයක් තමයි සිද්ද කරලා තියෙන්නෙ. ඒවා මේවා කෙසේ වෙතත් ඔන්න ගිය සතියේ ඔලිවර්ට දැනගන්න ලැබෙනවා තමන්ගෙ තාත්තගේ රහස ගැන. ඒ කියන්නෙ මේ අලුත් ඇරෝ තමන්ගේම ලේ සහෝදරියක් කියලා ඔලිවර් දැනගන්නවා. ඒ වගේම අපේ මේ අලුත් ඇරෝට බැහැලම උදව් කරන්නෙ දැන් රෙනේ තමයි. ඒ විතරක් ඈ රෙනේ කර්ටිස්වත් මේ වැඩේට සම්බන්ධ කරගන්නවා.

ඔය අතරේ අනාගතයේ සිදුවීම් පෙළක්ද අපිට දකින්න පුළුවන් වෙනවා. අනාගත ග්ලේඩ්ස්වල නගරාධිපතිවරයා බවට පත්වෙලා ඉන්නෙ වෙන කවුරුවත් නෙවෙයි රෙනේම තමයි. ඇත්තටම ඒක දැක්කාම මටත් විශ්වාස කරගන්න බැරි උනා. හැබැයි ඇත්තටම වෙලා තියෙන්නෙ ඒක. ඒ වගේම තමයි ස්ටාර් සිටි විනාශ කරන සැලැස්මටත් රෙනේ සම්බන්ධයි. හැබැයි ඉතින් පේන විදිහටනම් ෆෙලිසිටිගේ මරණෙ ගැනනම් අපේ අනාගත රෙනේ කිසිම දෙයක් දන්නෙ නැති පාටයි.

ඉතින් ගිය සතියේ අන්තිමටම දැකගන්න ලැබුනා ඔලිවර් සෑහෙන විස්තර හොයලා බලලා බොහොම කල්පනා කරලා කරලා අන්තිමටම යනවා තමන්ගෙ සහෝදරිය වෙච්ච එමිකෝව හම්බවෙන්න. ඉතින් අද බලාගන්න පුළුවන් ඒ හමුව කොහොම වෙන්න ඇත්ද කියලා. ඒ වගේම අද කොටස ගැන කිව්වොත් ඇත්තටම අද ඔලිවර්ට මූණ දෙන්න වෙන්නේ තමන්ගෙ අතීත සිද්ධියකට. තමන්ගෙම නෙවෙයි තමන්ගෙ පියා කළ පාපයක ප්‍රතිවිපාකවලට තමා ඔලීට මූණ දෙන්න වෙන්නේ. එහෙනම් මං මෙතෙකින් නවතිනවා.