Arrow [S07 : E19] | ජෝන්ගේ රහස්…

ඔන්න එහෙනම් අරගෙන ආවා ඇරෝ හත්වැනි කතාමාලාවේ 19වැනි කොටස. හොදයි එහෙමනම් මේ කොටසින් පස්සේ තවත් එන්න නියමිත වෙලා තියෙන්නෙ කොටස් 3ක් පමණයි මේ කතා සමයට. එහෙනම් අපි බලමු කතාවේ මොකද වෙන්නෙ කියලා.

ඉතින් ගිය සතියේ කොටස බැලුවනම් දකින්න ඇති ඒක වැඩි හරියක්ම වෙන් උනේ ලෝරල් වෙනුවෙන් කියලා. වැරදි පාරක යන්න ගිය ලෝරල් කොහොමහරි ෆෙලිසිටිගෙ නොපසුබට උත්සාහය නිසා හොද මාර්ගෙට ආවා. හැබැයි ඊට පස්සේ ලෝරල් ආයෙම අර්ත් 2වලට යන්න ගියා.

ඉතින් ඔය අතරේ අනාගත සිදුවීම්වලින් දැකගන්න ලැබුනේ ගැලැක්සි වන්හි භටයෙක් කැනෙරිලාව හොය හොයා ඝාතනය කරන ආකාරය. මියාට මුල ඉදලම ඕන උනේ මේ භටයා එක්ක සටන් කරන්නමයි. හැබැයි ඩයිනා, සෝයි ඇතුළේ කැනේරිලා දැරුවේ වෙනම මතයක්. කොහොමහරි අන්තිමේ මියා සටනට ගිහිල්ලා මැරෙන්න ඔන්න මෙන්න යද්දි එයාව බේරගන්න ආවේ ලෝරල් කියලා මතක ඇති. ඒ කියන්නෙ අර්ත් 2වලට ගිය ලෝරල් ආයේ ඇවිල්ලා.

ඉතින් අද කොටසෙන් ඔන්න ජෝන් සහ ඔලිවර් වර්ජිල් සහ ආගස් නියෝජිතයෙකුගෙ ගණුදෙනුවක් කඩාකප්පල් කරනවා. එතනදී හාඩ් ඩ්‍රයිව් එකක් හම්බවෙනවා. ඉතින් මේ හාඩ් ඩ්‍රයිව් එක ෆෙලිසිටිටවත් විවෘත කරන්න බැරි නිසා ජෝන් සහ ඔලිවර් යනවා ආරක්‍ෂක බුද්ධි ඒජන්සියේ ජෙනරල් කෙනෙක්ව බැහැ දකින්න. ජෝන් එක්ක යන්නෙ එයා අදුරන කෙනෙක් කියලා. හැබැයි බලාගෙන ගියහම ඒ උන්නේ වෙන කවුරුවත් නෙවෙයි ජෝන්ගේ සුළු තාත්තා. ඉතින් කොහොමහරි මුලදිනම් මේ ජෙනරල් වැඩේට උදව් කළේ නෑ.

ඔය අතරේ අනාගතේදී ෆෙලිසිටි අර භටයාගේ හෙල්මට් එක වැඩ කරවන්න උත්සහ කරනවා ඒකෙන් මොනවත් හොයාගන්න පුලුවන්ද බලන්න. හැබැයි ඒකට බැටරියක් අවශ්‍ය වෙනවා. මේ නිසාම මියා සහ කොනර් යනවා බැටරියක් හොයන්න.ඒ ගියාම දැනගන්න ලැබෙනවා ඒ තාක්‍ෂණය විකුණන කෙනා ඉන්නේ ඩෙත්ස්ට්‍රෝක් කල්ලියට අයත් කලාපයේ කියලා.

එහෙමනම් මම මෙතනින් නතර වෙනවා. අපි බලමු කතාවේ මොකද වෙන්නෙ කියලා. ලබන සතියේ හමුවෙන තෙක් ඔබ සැමට ජයෙන් ජය!

ඒ වගේම දැනුම් දීමක් කරන්න තියෙනවා අපේ නවතම බයිස්කෝප් සිංහලෙන් වෙබ් අඩවිය වෙනුවෙන් නිර්මාණය කල ෆේස්බුක් පිටුව ගැන. මොකක් හෝ අහේතුවකට 130,000 අධික ලයික් ප්‍රමාණයකින් යුතු අපේ ෆේස්බුක් පිටුව මීට ටික කාලයකට කලින් මකා දමා තිබෙනවා. ඒ වෙනුවෙන් අපි නැවත ෆේස්බුක් පිටුවක් ආරම්භකොට තිබෙනවා. මුහුනුපොත තුල උපසිරැසි පළකිරීම් ගැන දැනුවත් වෙන්න ඒ පිටුව සමහමෙතනින් එක්වෙන ලෙසින් හැමෝටම ආරාධනා කරනවා.