Arrow [Season 3] Complete

හොඳයි එහෙනම්. නම දැක්කම අමුතුවෙන් මොකක්ද මේ කියලා කියන්න ඕන නෑනේ. මේ ගැන නොදන්න අයත් ඉතිං, හිරු ටීවි එකට පිංසිද්ධ වෙන්න බෙන් ටෙන් මලයගේ වොයිස් එක දාලා චාටර් කරලා මුලු ලංකාවටම මේ ගැන දැන්නුවානේ. කොහොම උනත් ඉතිං, අමාරුවෙන් හරි මාත් නොවරදවාම ඒ හඬකවපු සෙට් එක බලනවා. ඒකෙත් පොඩි කික් එකක් නැතිවාම නෙමෙයි.

දවස් කීපයකට කලින් තමයි මේ ඇරෝ තුන්වෙනි කතාමාලාව පිටවුනේ. කස්ටිය මේ වෙද්දී බලලද දන්නෙත් නෑ ඔන්න ඉතිං. කරන්න දෙයක් නෑ. වැඩ රාජකාරී මැද්දෙනේ අපි හැමෝම ඔයාලා වෙනුවෙන් මේ දේවල් කරන්නෙත්. ඉතින් අපේ කවිඳු සහෝ හිතපු නැතිවිදිහට කාර්‍යබහුල තත්වයකට පත්වුන නිසා තමයි මම මේක ඔයාලට ගේන්නේ. සමහරවිට ඊලඟ සතියේ කොටසේ ඉදන් කවිඳු සහෝ උපසිරැසි ලබාදේවී, කලින් කතාමාලා දෙකම ලබාදුන්නා වගේම.

ඉතින්, ඇරෝගේ ජයග්‍රහණයට පස්සේ, තුන්වෙනි කතාමාලව පටං ගන්නේ ස්ටාර්ලින් නගරයට ඇරෝ කියන්නේ වීරයෙක් කියන මතයට අනුව. අපරාධයන් අඩු වෙලා, මිනිස්සුන්ට ආරක්ෂිත බවක් හැඟිලා, ඒ වගේම කැප්ටන් ලාන්ස් අපේ මේ ඇරෝව අත්තඩංගුවට පත්කරන්න යොදවපු විශේෂ පොලිස් භට කණ්ඩායම පවා ඉවත් කරනු ලැබුවා. ඉතින්, ඔලිවර්ගේ ජීවිතයේ සාර්ථකත්වය නිසාම, ඔලිවර් විශ්වාස කරන්න ගන්නවා එයාට අන්තිමට හරි පෞද්ගලික ජීවිතයක් පටං ගන්න පුලුවන් වෙයි කියලා. ඉතින් ඒ නිසා කවුරු කවුරුත් බොහෝ දිනක් බලාගෙන හිටපු ඒ සුන්දර මොහොත එලබෙනවා. ඒ ෆෙලිසිටිව රෑ කෑමකට වගේම හමුවකට එලියට එක්කරගෙන යනවා. නමුත් නොසිතූ අයුරින් නගරයට ආපහු අපරාධකරුවෙක් එන්න ගන්නවා. ස්ටාර්ලින් නගරය ආපහු දූෂිත නගරයක් වෙන ලකුණු ඔලිවර්ට පෙන්නුම් කෙරෙනවා. ඉතින් ඔලිවර්ට තේරුම් යනවා එයාට කවදාවත් ඔලිවර් කුයීන් කියන චරිතයට අනුව ජීවත් වෙන්න බැරිබව. ඒ නගරයට ඇරෝ කියන වීරයා ඕනවෙනතෙක්ම.

ඉතිං… ඔන්න ඔහොමයි මේ සීසන් එක ආරම්භයක් වශයෙන් සාරාංශ කරලා කිව්වොත් කියන්න තියෙන්නේ. ඒ වගේම හැමෝම වගේ පුලපුලා බලාසිටි සුන්දර මොහොතක් මේ පලවෙනි කොටසින්ම උදාවෙනවා. ඇත්තටම සන්තූසයියියියි…