Ascension (TV Mini-Series 2014) [S01 : E01] | ආරම්භය

කොහොමද හැමෝටම, හොදින් ඉන්නවද? ඉතින් මේ පාර ගෙනාවේ කොටස් හයකින් එන miniseries ඒ වගේම වෙබ් අඩවිය වෙනුවෙන් කරන දහවෙනි උපසිරසි ගැන්වීම තමයි මේ :). ඉතින් මේක මට එක විදිහක සන්ධිස්තානයක්. වැඩි විස්තර නැතුව කතාවට ගැන කතා කරමුකෝ එහෙනම්.

හරි කොහොමහරි කතාව මට බාරදුන්නේ සිසිල ප්‍රසාද් අයියා, කතාවේ නම තමයි Ascension. කොටස් හයක් තියන කෙටි රුපවාහිනි කතාමාලාවක්. මේ කතාවට IMDb 7.2 ක අගයක් හිමිවෙලා තියනව ඒවගේම rotten tomatoes වලින් 65% අගයක් ලබා දෙනව.මුලිකවම කතාව අයිතිවෙන්නේ විද්‍යා ප්‍රබන්ධ කොටසට.විද්‍යා ප්‍රබන්ධ කතා මාල නිෂ්පාදනය කරන නම ගිය රුපවාහිනී නාලිකාවක් තමයි SYFY කියන්නේ, මේ කතාමලව ඇමරිකාවේ SYFY නාලිකාවත්, කැනඩාවේ CBC නාලිකාවත් එකතුවෙලා කරපු නිර්මාණයක්. රුපවාහිනියේ ප්‍රදර්ශනය වෙන්නේ 2014 වසරේදී. Tricia Helfer,Brian Van Holt,Andrea Roth,Gil Bellows,Brandon P. Bell,Tiffany Lonsdale කියන අය තමයි ප්‍රධාන නලු නිලියන් විදිහට රග පාන්නේ.

කතාව තියෙන්නේ ඇමරිකානු රජයෙන් 1960 ගණන් වල යවන අභ්‍යවකාශ යානාවක් ඇතුලේ වෙන සිදුවීම් දාමයක් ගැන. මේ යානාව යන්නේ අලුත් ලෝකයක් හොයාගෙන ජනපදයක් පිහිටුවන්න. 1960 ගණන් කියන්නේ සිතල යුද්දේ හොදම හරිය.මොකද නවසිය හැට එකේ රුසියාවෙන් යුරි ගගාරින් අභ්‍යවකාශයට යවනව. ඉතින් ඇමරිකාවට කටවහන් ඉන බෑ නේ :3 එයාල කරන්නේ මේ වැඩේ හැබැයි රහසින්. කිසිම කෙනෙක් දන්නේ නෑ ඇසෙන්ෂන් කියල යානාවක් පෘතුවියෙන් පිටත් වෙලා තියනව කියල. ඒ කාලේ තියන තාක්ෂණයත් එක්ක ගමන් කාලය ඇස්තමේන්තු ගත කරන්නේ අවුරුදු 100කට, කතාව පටන්ගන්නේ අවුරුදු 100න් අවුරුදු 51ක් ගෙවුනට පස්සේ වෙන සිදුවීම් ටිකක් එක්ක. මේ වෙනකොට යානාව රූබිකන් කියන ස්ථානයට ලගාවෙන ගමන්. එතන පහු කරාට පස්සේ යානාව ආපහු පෘතුවියට හරවන්න බෑ මොකාද ආපහු හරවාගෙන යන්න තරම් සැපයුම් නැති නිසා. ඒත් මේ යානාවේ ඉන්නවා මේක අපහු හරවන්න ඕන කියල මතයක් තියන පිරිසක්, ඔය අතරේ යානාව අභ්‍යවකාශ ගත කරලා 51 වන සැමරුම කරන වෙලාවේ යානාවේ හිටපු ගෑනු ළමයෙක් අභිරහස් විදිහට මැරෙනව. කතාව පටන්ගන්නේ එතනින්. තව ඉස්සරහට කියාගෙන ගියොත් බලන්න දෙයක් නැති වෙනව නේ, එහෙනම් කතාව අරගෙන බලන්නකෝ. උපසිරසියේ හොද නරක හැදෙන්න ඕන තැන් එහෙම තියනව නම් කමෙන්ට් එකක් දාන්න. එහෙනම් දෙවැනි කොටසෙන් හමුවෙමු. ජය!