Ask Laftan Anlamaz [S01 : E04] | දිදෙම්ගෙ උපන්දින පාටිය…

බලන් ඉඳලා බලන් ඉඳලා මහන්සිත් ඇතිනේ. එහෙනම් ඔන්න අරන් එනවා හතරවෙනි කොටස. අමුතුවෙන් කියන්න දෙයක් නෑ, දවසින් දවස කතාවේ සිත්ගන්නා සුළු බාවය වැඩි වෙනවා වගේම ආදරණීය බවත් වැඩිවෙනවා. ඒත් එක්කම අපිත් එක්ක, මේ කතාවත් එක්ක එකතු වෙන පිරිසත් දවසින් දවස වැඩි වෙනවා. සමහරු සයිට් එකට ලොග් වෙන්නෙත් මේකේ ඊළඟ කොටස දාලදෝ නැද්දෝ කියන දෙගිඩියාවෙන්. ඒ බව අපිට කමෙන්ට්ස් දැක්කම තේරෙනවා. මේ දෙන වාරුවට, සහයෝගයට බොහොමත්ම ස්තූතියි. ගොඩක් ගොඩක් ස්තූතියි.

තුන්වෙනි කොටස සම්පුර්ණයෙන් රස විඳින්න ඇතිනේ. මුරාත්ගේ චෝදනා ඉවසගන්න බැරුව හයාත් Sarte එකෙන් අයින් වෙලා යන්නම ගියා. පපුව ඉස්සරහට දාගෙන ඔෆිස් එකෙන් එලියට බැස්සට මොකෝ, කෙල්ල ඊට පස්සේ කාලේ ගත කරේ බලාගත්තු අත බලාගෙන. මොන හෙනයක් පාත් උනත් ළඟ ඉන්න ඉපෙකුයි අස්ලියි නොවෙන්න මේකිට පිස්සුත් හැදෙයි. උන් දෙන්නටත් තේරුණා හයාත් ඔය තරමට කල්පනා කරන්නේ ජොබ් එක ගැනම නොවෙන විත්තිය. ඔව් ඒක ඇත්ත. හයාත්ගේ හිත පුරාම හොල්මන් කරේ මුරාත්. මුරාත් විතරමයි. ඒ ඇයි කියල දන්නෙත් හයාත් විතරමයි. ඒ පැත්තේ වැඩ එහෙම වෙද්දී අනිත් පැත්තෙත් වැඩ සිද්ධ උනේ අමුතු විදිහකට. මුරාත්ගේ හිතෙත් මොකක්දෝ අමුත්තක් පැලපදියම් වෙලා. ඔෆිස් එකේ රහස් තොරතුරු පිටට දුන්නු ඒ කෙල්ල ගැන තරහක් වෙනුවට දැන් නම් වෙනමම හැගීමක් තියෙන්නේ. හිත මහ මුසලකමකින් පිරිලා තිබ්බේ. කොහොමින් කොහොම හරි හැමෝම ප්‍රාර්ථනා කරපු විදිහට මුරාත් ඇත්ත දැනගත්තනේ, දොරුක් සහ තුවෙල් කියන දේවදුතයෝ දෙන්නා හින්දා. කොල්ලා කොච්චර පසුබැස්සද කියනව නම් පලවෙනි වතාවට තමන්ගේ ඔටුන්න පැත්තකට තියලා හයාත්ගෙන් සමාවත් ගත්තනේ. ඊට පස්සේ හැමදේම සාමාන්‍ය අතට හැරුන. ඒ විතරක් නෙමේ අරාබිකාරයෝ ටිකට පින් සිද්ධ වෙන්න මේ දෙන්නා අතර ලොකු බැඳීමකුත් ඇතිවුණා මතක ඇති. කොහොමද දෙන්නගෙ තරගෙ. පංකාදු පහයි නේ.. හයාත් කියන්නෙත් බලාගෙන ගියාම ලේසි පහසු කෙල්ලෙක් නෙවෙයි.. කොහොමහරි අන්තිමට මුරාත් දිනල අහන ප්‍රශ්නෙ මතක ඇතිනෙ.. එකෙදි හයාත් කියනවනෙ මම ඔයා හිතන කෙනා නෙවෙයි කියල..

එහෙනම් අද කොටසින් මොකක් වෙයිද? හයාත් එයාගෙ රහස මුරාත්ට කියයිද? සුනාගෙ ගෙදරට ගිය දිදෙම් මොන නාඩගමක් නටයිද? මීට අමතරව අද කොටස බැලුවොත් මේ තුන්කොන් ප්‍රේම කතාවට තව එක්කෙනෙක් එකතු වෙනවා බලාගන්න පුළුවන්. ඒ කවුද මොන අරමුණකින් ආවද? ඒ වගේම දොරුක් සහ මුරාත්ගේ සහෝදරකමට ලෙඩ දාන්න බලන් ඉන්න මුරාත්ගෙ කුඩම්මගෙ වැඩ අද බලාගන්න පුලුවන්. එහෙනම් මේ හැම එකටම උත්තර හොයාගන්න, එකතු වෙන්න අපිත් එක්ක. ලිපිය සම්පාදනය කරල දුන්න මයුර සොහොයුරාවත් මතක් කරන ගමන් මම සමුගන්නව.. පස් වෙනි කොටසෙන් හමුවෙනකම් හැමෝටම සුබ දවසක්. ජය වේවා…

 හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.