Bunyan and Babe (2017) | ගොවිපොලේ ජරමරේ…

කොහෙමද කට්ටිය! මේ පාර මම ටිකක් පරණ ෆිල්ම් එකකට උපසිරසි අරගෙන ආවා. පරණයි කිවිවට එච්චරම පරණ එකක් නෙවෙයි. මේක රිලීස් වෙලා තියෙන්නේ 2017 පෙබරවාරි මාසෙ 3 වෙනිදා. මේකත් මගේ පළවෙනි උපසිරසිය (Gnome Alone 2017) වගේම ඇනිමේෂන් ෆිල්ම් එකක්. මේ ෆිල්ම් එක අධ්‍යක්ෂණය කරලා තියෙන්නේ Louis Ross විසින්. 4.9 ක IMDB අගයක් මේ ෆිල්ම් එකට ලැබිලා තියෙනවා. ෆිල්ම් එකේ පෝස්ටර් එක දැක්කම නම් මමත් හිතුවෙ කම්මැලි ෆිල්ම් එකක් වෙයි කියලා. ඒත් විනාඩි 84ක් පුරාවට කිසිම කම්මැලිකමක් නැතුව ආසාවෙන් බලන්න හිතෙන ෆිල්ම් එකක්.

කතාව පැත්තට හැරුණොත් ට්‍රැවිස් කියලා පොඩි ළමයෙක් ඉන්නවා. එයාට ඉන්නවා විට්නි කියලා නංගි කෙනෙක්. මේ දෙන්නා නිවාඩුවට ටිකක් දුර පලාතක ඉන්න එයාලගෙ සීයගෙ ගොවිපොලට යනවා. ට්‍රැවිස් නම් කැමැත්තකින් නෙවෙයි යන්නේ. ඒත් ගියාට පස්සේ එයාගෙ අකමැත්ත නැතිවෙලා යනවා. ඒ පලාතෙ ඉන්නවා ව්‍යාපාරිකයෙක්. එයාට ඕන ඒ පැත්තෙ ඉඩම් ඔක්කොම අල්ලගන්න. ඔය අතරෙදි ට්‍රැවිස්ට අහම්බෙන් අමුතුම විදියෙ ඒ පලාතෙ සෑහෙන ප්‍රසිද්ධ යාළුවො දෙන්නෙක් මුණ ගැහෙනවා. ඉතිං ඒ තුන් දෙනා මොකද කරන්නේ. මේ සිද්දියට අර ව්‍යාපාරිකයා කොහොමද සම්බන්ධ වෙන්නේ කියන දේවල් ෆිල්ම් එක අරගෙනම බලන්න කියලා ඉල්ලනවා.

මේ මගේ දෙවෙනි උපසිරැසි ගැන්වීම. පළවෙනි එකට (Gnome Alone 2017) සෑහෙන හොඳ ප්‍රතිචාර තිබුනා. ඒ ප්‍රතිචාර දක්වපු හැමෝටම බොහොම ස්තූතියි.උපසිරසි කරන්න මේ ෆිල්ම් එක අරන් දුන්න සිසිල ප්‍රසාද් අයියටත් බොහෝම ස්තූතියි. මේ ෆිල්ම් එකත් බලලා උපසිරසියෙ හොඳ නරක තියෙනව නම් කියන්න කියලා ඉල්ලනවා. ගිහිං එන්නම්.

ජය වේවා!!