බොහෝම ප්‍රමාද වෙලා මේ හමුවෙන්නේ මග බලාගෙන හිටපු කතාවේ අවසානයත් සමගින්. කිහිප දෙනෙක් මැසේජ් කරලත් අහලා තිබුනා කතාව කොහේද කියලා. ඒ අහපු කට්ටිය නිසා තමයි ටිකක් හරි කලබල වෙලා සබ් එක කරන්න වෙලාවක් හොයා ගත්තේ. එහෙනං ඉතිං, කතාව ආසාවෙන් බලාගෙන ගියත් කතාව කැන්සල් වුනු නිසා ගොඩක් දෙනෙකුට කතාව එපා වෙලා ඇත්තේ කියලා හිතනවා. එහෙම වෙන්න ඕනේ, මොකද කිව්වොත් ඒ පණිවිඩය දැනගන්න ලැබුනු ගමන් මට කතාව එපාම වෙලා ගිය නිසා. කොහොම වුනත් පටන් ගත්තු එක ඉවරයක් කරලා දාන්නයි මේ සූදානම් වෙන්නේ.
අභිරහස් කාන්තාව නිසා ලෝකයට රහසක් වෙලා තිබුනු ජොනතන් ලෝකයට හෙලිදරව් වෙන්නේ අපරාධ කාරයෙක් විදියට. ඒ එක්කම ඒ හෙලිදරව්වත් සමග ඔහුට නිදහස් මිනිහෙක් විදියට ලෝකය හමුවෙන එන එක වෙනුවට හිරේ යන්නයි සිද්ධ වෙන්නේ. මේ සිද්ධියෙන් පස්සේ කැමරන් පුළුවන් හැම විදියකින්ම තමුන්ගේ සහෝදරයගේ නිර්දෝශී බාවය ඔප්පු කරන්න උත්සාහා කරලා හෙම්බත් වෙලා ඉන්න අතරේ තමයි ඔහුට හුුරු පුරුදු විදියේ අපරාධයක් රූපවාහිනියේ දකින්න ලැබෙන්නේ. මේ ගැන පරීක්ශා කරන්න ගියාත් එක්ක තමයි මෙයාගේ FBI එකත් එක්ක එකතු වෙලා අපරාධ විසදන වැඩේ ආරම්භ වෙන්නේ.
මේ වැඩෙන් පස්සේ FBI එක්ක එකතු වෙලා අපරාධ විසදන අතරතුර කිහිප අවස්ථාවකම අභිරහස් කාන්තාව මෙයාලගේ විමර්ශණ අතරේ මතු වෙනවා. ඒ වගේම තමයි කැමරන්වත් පැහැර ගන්නවා. මේ සිදුවීම් අතරදී තමයි අභිරහස් කාන්තාව නිකංම අපරාධ කාරයෙකුට වඩා තමුන් සමග අතීත සම්බන්ධතාවයක් තියෙන කෙනෙක් බව පසක් වෙන්නේ. ඒ හෙලිදරව්වත් එක්ක ඇය ඇත්තටම ලුහුබදින්නේ මොකක්ද යන වග කාලයක් එක්ක පැහැදිලි වෙනවා. මේ පැහැදිලි වීමත් සමග තමුන්ගේ ඉතිහාසයත් එක්ක මේ අභිරහස් කාන්තාවගේ අරමුණ එකිනෙකට සම්බන්ධ බව තවදුරටත් හෙලිදරව් වෙනවා. මේත් සමගින් ඔවුන්ට අවබෝධ වෙනවා අභිරහස් කාන්තාව ලෝකය පුරාම අපරාධ කරමින් යන්නේ විශේෂිත අයිතමයන් කිහිපයක් එකතු කරගන්න බව. තවදුරටත් සොයා බැලුවාම ඒ හැම එකක්ම තමුන්ගේ මී මුත්තා වුනු ඇලිස්ටෙයර් බ්ලැක් විසින් නිර්මාණය කරන ලද සේප්පුවක් විවෘත කිරීමට අවැසි ප්‍රෙහෙලිකාවක කොටස් බව සොයා ගන්නට ලැබෙනවා. මේ සේප්පුවේ ඇතුලේ තිබෙන්නේ අතීතයේ ධනපතියන් කිහිප දෙනෙකු විසින් ආදායම් බදු පැහැර හැරීම උදෙසා ඔවුන් සැඟවූ ධනය බව තවදුරටත් පැහැදිලි වෙනවා. ඒ ප්‍රෙහෙලිකාව විසදා සේප්පුව විවෘත කලත් සැබෑවටම එතන ඇත්තේ සැඟවූ නිධානය නොව නිධානය සොයා ගැනීමට අවැසි සිතියම බවයි අභිරහස් කාන්තාවට මෙන්ම කැමරන්ට අවබෝධ වෙන්නේ. නමුත් අවසානයේ කැමරන් ඒ සිතියමත් අරගෙන අභිරහස් කාන්තාවගෙන් පලා යද්දී ඇය කැමරන් පස්සෙන් ලුහුබැද FBI හමුවේ ප්‍රාණ ඇපකරුවෙක් ලෙස ඔහුව රදවා ගන්නවා. නමුත් නියෝජිත කේ ඩැනියෙල්ස් වෙඩි තබා කැමරන්ව ප්‍රාණ ඇපකාර බවෙන් මුදවාගෙන අභිරහස් කාන්තාව FBI අත්අඩංගුවට පත්කර ගන්නවා.
මේ විදියට ගලාගෙන ගිය සමස්ථ කතාව අද නිමාවකට පත් වෙනවා. කතාව පුරාවටම අපට ඇතිවුනු ප්‍රශ්ණ කිහිපයකට පිලිතුරු ලැබුණත් සම්පූර්ණ කතාවෙන් හිතේ තියෙන හැම ප්‍රශ්ණයකටම පිලිතුරු ලබාගන්න බෑ. ඒත් ආපු තරමක් ඉවරයක් වෙන්න බැලුවා කියලා විතරක් හිත හදාගන්න පුළුවන් කියලා හැමෝටම දැනුම් දෙන ගමන් මම කතාවෙන් සමුගන්නවා.
Torrents Download
| HDTV | x265 | 720p | 215MB |
549799BDFB816741318DF0002B46A340F32591A7
Direct Download
| HDTV | x265 | 720p | 215MB |
අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම් අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්.
(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)
