Fairy Tail: The Movie – Dragon Cry (2017) AKA Gekijôban Fairy Tail: Dragon Cry | මකර කදුලේ පුරාවෘත්තය

බයිස්කෝප්වාසී හිතමිතුරන්ගෙන් අවසරයි! දැනට සතියකට පමණ පෙරදී කරපුGringo උපසිරැසි නිමැවුමෙන් පස්සේ උපසිරැසියක් කරන්න තෝරා ගත්තේ Dragon Cry සජීවීකරණ චිත්‍රපටයයි. සාමාන්‍යයෙන් ප්‍රසිද්ධ සජීවීකරණ චිත්‍රපට බොහෝමයක් ඉංග්‍රීසී භාෂාවෙන් තමයි නිර්මාණය වෙලා තියන්නේ. නමුත් මේ චිත්‍රපටය ජපන් භාෂාමය නිර්මාණයක්. චීනය,ජපානය කියන්නේ කිවුවහම ඉතින් සංස්කෘතිමය විදිහටත් මකරා කියන සංකල්පයත් එක්ක ඈඳිලා යන රටවල්නේ! ඒක හින්දමද මන්දා මේ චිත්‍රපටයත් ගෙතිලා තියන්නේ මකරෙක් වටා… කොටින්ම කිවුවොත් මකර කදුලක් වටා…

Tatsuma Minamikawa විසින් අධ්‍යක්ෂණය කරනු ලැබූ Dragon Cry සජීවීකරණ නිර්මාණයට හඬ කැවීමෙන් දායක වෙන්නේ Aoi Yuki(සෝන්යා),Cherami Leigh(ලුසී),Tetsuya Kakirawa(නට්සු) හා Rie Kugimiya(හැපී) ඇතුළු නලු නිළියන් පිරිසක්. තිර පිටපත Shoji Yonemura විසිනි. 2017 අගෝස්තු මස 24 වෙනිදා තිරගන වීම ආරම්භ වූ මෙම සිනමා නිර්මාණයේ සම්පූර්ණ ආදායම ලෙස සටහන් වන්නේ $ 519 461ක මුදලක්. චිත්‍රපටය විනාඩි 85ක ධාවන කාලයකින් යුක්තයි. සජීවීකරණ නිර්මාණයකට ඉහළ IMDb අගයක් ලබා ගැනීම තරමක් අසීරු වුණත් මේ නිර්මාණය IMDb 7.3 අගයක් දක්වා ඉහළට පැමිණ තිබෙනවා. ඒ වගේම තමයි, 78% ක ප්‍රේක්ශක ප්‍රතිචාරයකුත් දිනා ගැනීමට සමත් වෙලා තියෙනවා. කතාව යන්නේ මායා ලෝකයකට එල්ල වන තර්ජනයක් ගැන. තර්ජනේ තමයි මකර කදුල!

” ඇත්තටම මොකකද මේ මකර කදුල කියන්නේ?
මකර කදුලකට පුලුවන්ද රාජධානියක්ම විනාශ කරන්න?
එතකොට මකරු වඳ වෙලා ගිහිල්ලා කියන්නේ බොරුවක්ද?
දියමන්තිවලටත් වඩා ශක්තිමත් මූලද්‍රව්‍යයක් තියෙන්න පුලුවන්ද? “

මේ හැමදේම පිළිතුරු තියන්නේ Dragon Cry හෙවත් මකර කදුලේ පුරාවෘත්තය ඇතුළේ.ආ..අමතක වුණානේ! සබ් එක බාර දුන්නු සිසිල ප්‍රසාද් අයියවත්, උදව් කරපු විමා අයියවත් මතක් කරන්නම ඕනේ මේ වෙලාවේ.

කතා කළා මදෑ… දැන් ඉතින් බාගෙන බලමු. ලෝබ නැතුව තමන්ගේ අදහසත් comment කරයි කියලා බලාපොරොත්තු වෙනවා ඉතින් හැම සහෝදරයාම! ජය වේවා… තවත් උපසිරැසියකින් හමුවෙමු