Gray Lady Down (1978) | පළිගැනීමේ අවතාරය !

සුභ දවසක් වේවා කියලා ප්‍රාර්ථනා කරනවා බයිස්කෝප් සියලුම සාමාජික සාමාජිකාවන්ට. ශාන් විමුක්ති සහෝදරයාගෙන් ලැබුනු අවසරයත් එක්ක අදත් මං අරන් එන්නේ ටිකක් පරණ චිත්‍රපටයක්. මේක මගේ පළමුවන සිංහල උපසිරැසියයි.

ගැඹුරු මහ මුහුද මැද්දේ සබ්මැරීනයක් ගිලුනහොත් එය බේරා ගැනීමට එක්සත් ජනපද නාවික හමුදාව DSRV (Deep Submergence Rescue Vehicle) නමින් යාත්‍රාවක් නිෂ්පාදනය කරයි. මෙම චිත්‍රපටය එම යාත්‍රාව ලොවට හදුන්වාදීමට තැනු චිත්‍රපටයක් කියලා කිව්වොත් නිවැරදියි.

මේ චිත්‍රපටය 1971 දී David Lavallee විසින් රචනා කරපු Event 1000 නම් නවකතාව ඇසුරෙන් තමයි නිර්මානය කරලා තියෙන්නේ.

කපිතාන් පෝල් ගෞරවණීය වියපත් නිළධාරියෙක්. ඔහු උසස් වීමක් ලැබෙන්න ඉස්සෙල්ලා යාත්‍රා කරන්නේ USS නෙප්චූන් සමගයි. සාර්ථක සංචාරයක් අවසානයේදී නෝර්වේ රටේ නැවක මෙම යාත්‍රාව ගැටෙනවා. එයට හේතුව නැවේ රේඩාර් පද්ධතිය එකවරම අක්‍රීය වීමත් ඒ අවස්ථාවේ පවතින ඝන මීදුමත් හේතුවෙන්. මොවුන් බේරා ගැනීමට කැප්ටන් බෙනට් විසින් මෙහෙයවන මුදවාගැනීමේ බලකාය පැමිණෙයි. ඒ වන විට ගැඹුරු මුද පත්ලේ සිදුවන භූ චලන නිසා නෙප්චූන් ක්‍රම ක්‍රමයෙන් අදුරු පතුලටම ඇදෙයි. කැප්ටන් බෙනට්ගේ සහයට ස්නාර්ක් නම් නිරික්ෂන යාත්‍රාවක් සමග කැප්ටන් ගේට්ස්ද පැමිණෙයි. අවසානය මං කියන එක හරි නැහැනේ. ඔයාලම චිත්‍රපටය බලන්න.

මිනිත්තු 111ක් දිවෙන Walter Mirisch විසින් නිෂ්පාදනය කල මෙම චිත්‍රපටයේCharlton Heston, David Carradine, Stacy Keach, Ned Beatty, Stephen McHattie, Ronny Cox, Dorian Harewood රංගනයෙන් දායක වේ.

මෙහි අධ්‍යක්ෂණය David Greene විසිනි. 1978 මාර්තු 10 වන දින මෙය තිරගත කිරීම ආරම්භ කෙරිණි.

ස්තූතියි

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)