Jessica Jones [S02 : E10] | සිතු දේ නොමවෙයි, නොසිතු දෙයක් වෙයි..!!

ඔන්න එහෙනම් Jessica Jones දෙවැනි කතා සමයේ දහවැනි කොටසත් අරගෙන ආවා…

මුලින්ම කියන්න ඕනි මේක මම Marvel කතාමාලාවකට උපසිරසි ලබාදෙන පළමු වතාව. ඉතින් මට මේ අවස්තාව ලබාදුන්නු හසා අයියවත් මතක් කරන්නම ඕනි. ඒ ගැනත් මතක් කරගෙනම අපි යමු කතාව පැත්තට, අද කොටසෙදි ජෙසිකගේ අම්ම, ඇලීසා ජෝන්ස්ව අත්ලන්තික් සාගරයේ පිහිටලා තියෙන Raft නමින් හඳුන්වන අධි ආරක්ෂිත බන්ධනාගාරයකට මාරු කරල යවන්න හදනවා. ඉතින් මේ මාරු කිරීම නවත්තන්න නම් ජෙසිකගේ අම්මට යෝජනාවකට කැමතිවෙන්න සිද්දවෙනවා. ජෙසිකයි හොගාර්ත් දෙන්න එක්ක අරගෙන එන යෝජනාව තමයි සම්පූණ පාපෝච්චාරණයක් වගෙම ඩොක්ට මලූස් ඉන්න තැනක් හෙළිකරන්න කියන එක. ඒත් මලූස් ගැන හෙළිකරන්න නම් ඇලීසගේ කිසිම කැමැත්තක් පේන්න නැහැ. මේ දේවල් මෙහෙම වෙන අතරෙ ට්‍රිශ් වෝකර් මේ කේස් එක ගැන වගෙම ඩොක්ට මලූස් IGH එකේ කරපු දේවල් ගැන දිගටම හොයාගෙන යනවා. ඇලීසාගේ මාරු කිරීම නවත්තන්න එයා යෝජනාවට කැමති වෙන්නෙ ඩොක්ට මලූස් ආරක්ෂිතයි කියල දැනගත්තොත් විතරයි, ඒ නිසා ජෙසිකා ඩොක්ට මලූස්ව සිරකරුවන් සිය රටට ආපහු බාර නොදෙන රටකට යවන්න සූදානම් කරනවා. එතකොට මලූස්ට කරදරයකුත් නෑ, ජෙසිකගෙ අම්මා යෝජනාවට කැමතිත් වෙනවනේ. ඒත් ඇලීසට බන්ධනාගාර නිළදාරියෙක් දරුණු විදිහට සලකනව කියල ජෙසිකා දැනගන්නවා. ඉතින් එයා ඒ නිළදාරියාගෙ ගෙදරට හොරෙන් ඇතුළුවෙලා පොර මොන වගේ කෙනෙක්ද කියල හොයන්න හදනවා. ඒත් ඉතින් කරුමෙ කියන්නෙ මෙතනදි ජෙසිකව ඒ හාදයට මාට්ටු වෙනවා. එතනදි සිද්දවෙන රණ්ඩුවෙන් ජෙසිකා අතින් ඒ හාදයා මැරෙනවා. හොගාර්ත්වත් ෂේන් කියල හාදයෙකුට හොඳටම ඇන්දිලයි ඉන්නෙ. ඉතින් තව කියන්න ගියොත් එම වැඩක් නැතිවෙනවනේ. එහෙනම් කතාව බලලම ඉන්නකෝ…

~~Destiny Is All~~
~~සියල්ල දෛවයයි~~