Lost in Space (2018) [S01 : E03]| අනතුරක්, විල් රොබින්සන්….!!!

හොඳයි එහෙනම් මෙන්න තුන්වැනි කොටස. මේ කොටස කරනකොට තමයි ඇයි මම විද්‍යා ප්‍රබන්ධ චිත්‍රපටි කරන්න අකමැති කියන එක යලිත් මතක් වුනේ. මේ සමහරක් වචන හොයලා ගලපන වෙලේ වෙනම උපසිරසක් ඉවර කරන්න ඇහැකි. කොහොම නමුත් ගලපලා හැදුවා කොහොම වේවිද කියන්න නම් දන්නේ නැහැ.

අද කතාවට කලින් දෙවැනි කොටසේ වුන දේවල් පොඩ්ඩක් මතක් කරගෙන ඉම්මු. දෙවැනි කොටස ආරම්භ වුනේ හොර දොස්තර ස්මිත්ගේ පැත්තෙන්, ඇය සහ ඇයගේ අවසාන මොහොතේ ගමන් සගයෙක් වුන කාර්මික ශිල්පියා කඩා වැටුන යානයෙන් එලියට එන්න උත්සාහ කල හැටි සහ කාර්මික ශිල්පියා කොහොම කෙනෙක්ද දකින්න ඇති නෙව. ඇත්තටම හොර දොස්තර මවා පෑම කරනවා හොඳ කෙනෙක් හැටියට. ඔහු ආත්මාර්ථකාමී මිනිහෙක් හැටියට පෙන්වන්න හැදුවත් සැබවින්ම හොඳ කෙනෙක්. දකින්න ඇති නෙව ඒ කොහොමද කියල අර අනික් යානයෙන් දිවිගලවා ගත කෙනා කර පින්නාගෙන ගිය හැටියෙන්ම.

මේ සියල්ල අතරේ රොබින්සන් පවුලේ සුදානම ඈතින් දැක්ක පිපිරීමක් සිද්ධ වුන තැන ලගට ගිරින් දිවිගලවා ගත්ත පිරිස් ඉන්නවා නම් ඔවුනට උදව් වෙන්න. නමුත් ඒ උත්සාහය අසාර්ථක වෙන්න බොහොම සුළු කාලයයි නෙව ගතවුනේ. ඉතින් ඉතුරු කාලය ඔවුන් ගත කලේ රෝබෝගේ කඩා වැටුන යානය පරික්ෂා කරමින්. මේ යානය ඇතුලේ දී මොරීන් තමුන් හා පෘථිවි වාසීන්ගේ දැනුම කොහොමද ? නොදකින විශ්වය මොනතරම් ලොකුයිද කියන එක දැකගත්තා. මේ ඔක්කොම අස්සේ විල් දකිනවා තමුන්ගේ රෝබෝ ඇත්තෙන්ම කවුද කියන එක… ඒ එක්කම විල් රෝබෝව පරික්ශාවටත් ලක් කරනවා… මේ සියල්ල එකක් ඔවුන් වෙලාගන්නට එන කුණාටුවෙන් බේරා ගන්න පෙනී නිර්භීතව සිදුකල කාර්යයබාරය අමතක නැතුව ඇති කියලා හිතනවා. මේ අස්සේ තමයි හොර දොස්තර ස්මිත් රොබින්සන් පවුල එකක් එක්කාසු වුනේ… ඒ තමුන්ගේ ජීවිතය බේරාගන්න උදව් කල අර කාර්මිකයාට වල කපලා…. අවසානය සිද්ධ වුනේ හොර දොස්තර, විල් ගේ රෝබෝ දැකීමෙන්….

අද එතැන් සිට, තවමත් මෙතෙක් හිර වෙලා උන් අයිස් තට්ටුවෙන් ඇතිවෙන කරදර නම් අඩුවක් නැහැ රොබින්සන් පවුලට. ඒ අස්ථාවර අයිස් තට්ටුව කඩා වැටීමක් එකක් යානය හිර වීමට ලක්වෙන නිසා. මේ සියල්ල අස්සේ ඔවුන් දැනගන්නවා යානයේ සිටින්නේ පෘථිවි වාසීන් හා විලේ රෝබෝ විතරක් නොවන බව, මේ අනික් පිරිස එන්නේ හොඳකට නම් නෙමෙයි… ඒ එක්කම හොර දොස්තර ගැන අද බොහොම දේ දැකගන්නට ලැබෙනවා, කොහොමද ඇය රෙසලුට් යානය වෙත ආවේ, ඇය ඇත්තෙන්ම කවුද කියන දේවල් තමයි ඉතින් ඒ… මේ ඔක්කොම එකක් රෝබෝ ටිකක් සීමාව ඉක්මවා යන පාටකුත් පෙන්න තියනවා…

එහෙනම් ඉතින් මේ ඔක්කොම ඔබට දැකගත හැකි අද කොටසින් ඊලග කොටසත් එකක් ඉක්මනින් හමුවෙමු… එතෙන් ඔබට ජය වේවා !!!