Marvel’s Agents of S.H.I.E.L.D. [S05 : E05] | අග මුල ලෙහා ගනිමු

අපි දැක්කා කලින් කොටසෙදි කසායස් ඩේසිගෙන් ලේ සාම්පලයික් අරගන්නවා. ඒ මොකටද කියලත් පැහැදිලි උනා අන්තිම වෙනකොට. ඒ වගේම කසායස් ඩේසිගෙන් අහනවා තව කවුද ඒ අයත් එක්ක අනාගතේ ඉදලා ආවෙ කියලා. හැබැයි ඉතිං ඒක නම් කසායස්ට දැන ගන්න ලැබුනෙ නැ. හැබැයි ඩේසි සහා ජෙමා අනාගතයෙන් ආව බව දන්නවා. ඊට පස්සෙ තමා ඩේසිව සටන් කරන තැනකට දාන්නෙ එයාගෙ හැකියාවන් පෙන්නුම් කරන්න. දැන් ඉතිං ඩේසිට හිතු මනාපෙට එයාගෙ හැකියාවන් පාවිච්චි කරන්න බැ. මොකද ඒ හැකියාවන් අවහිර කරන උපකරණයක් හයි කරලා තියෙන නිසා. ඔතනදි ඩේසිට තව ඉන්හියුමන් කෙනෙක් හම්බෙනවා මනස කියවන්න පුළුවන්.

ඔය දේවල් ඔහොම වෙනකොට කෝල්සන්, යෝ-යෝ සහා මැක් සහා මේ, එයාලා වෙනම වැඩක. ඔව් ග්‍රීල්ගෙ වැඩ පලේ. ඔතනදි කොහොමහරි මැක් ග්‍රිල්ට සෙට් වෙනවා. ගනර් කියලා කෙනෙක් ග්‍රිල්ට ණය නොගෙවා 35 වෙනි මට්ටමින් මොකක් ද දෙයක් එනකන් බලන් ඉන්නවා කියලා ආරංචි වෙනවා. ඉතිං ග්‍රිල්ට ඕන ගනර්ට දෙකක් නෙලලා තමන්ගෙ සල්ලි ගන්න. ඉතිං ඒකට යවන්නෙ මැක්ව. හැබැයි මේක තනියෙන් වෙන්නෙ නැ. මැක් සහා යෝ-යෝ මේ වැඩේට යන අතරෙ කෝල්සන් සහා මේ ඩීක්වත් එක්කහු කරන් 35 වෙනි මට්ටමට යනවා එතන මොනවද වෙන්නෙ බලන්න.

මැක් ගනර් ලගට ගිහින් ණය ගෙවලා දාලා නිදහස් වෙන්න කිව්වත් මිනිහ නාහෙන අහන්නෙ නැති එකෙක්. ඉතිං මැක් තර්ජනය කරනවා එන්න තියෙන පැකේජය විනාශ කරලා දානවා කියලා. පස්සෙ තමයි ඒ එන්න තියෙන්නෙ පුංචි දරුවෙක් විත්තිය. කොහොමින් කොහොම හරි ඔතන පොඩි වලියක් යනවා. කෝල්සන් ඇතුලු අයට 35 වෙනි මට්ටමෙන් දකින්න ලැබෙන්නෙ පුංචි ලමයෙක්. ඒ කියන්නෙ ක්‍රීලා ළමයින් තෝරා ගත් පිරිසකට විතරක් හදන්න දෙනවා. ඒ වගේම මේ හොයාගන්නවා ඩේසිගෙ ලිපි ගොනුවක් පරිගණකයේ තිබිලා. එතනදි තමයි ඩීක් නහය කඩා ගන්නෙ.

හැබැයි ඔතනින් මේ අයට පැන ගන්න බැරි වෙනවා. මොකද ක්‍රීලා මෙතෙන්ට එනවා. එතනදි සටනකින් ක්‍රීලා දෙන්නෙක් පරාද කලත් තවත් එන්න ගන්නවා. ඉතිං මේ ගෙ කීමට කෝල්සන් ඩීක් එක්කන් එතනින් පැන ගන්නවා. ඒත් මේට නම් සිනාරගෙන් බේරෙන්න පුළුවන් වෙන්නෙ නැ. මේට මොකද වුනේ කියලා මේ කොටසින් නම් බලාගන්න බැරිවෙයි.

කසායස් ඩේසි, සිමන්ස් දෙන්නා ගෙන්නවා මෙයාලා කියන්නෙ ඇත්තද දැනගන්න. ඒක තහවුරු කරගන්න තමා ඩේසිට හම්බුන හිත් කියවන කෙනාවත් ගේන්නෙ. කොහොමහරි මේ කෙනාගෙ උදව් ඇතුව කසායස්ගෙ උප්පරවැට්ටියෙන් මෙයාලා ගැලවෙනවා. එතනදි තමා දැන ගන්න ලැබෙන්නෙ කසායස් ලයිට් හවුස් එකට අකමැති විත්තිය වගේම මිනිහගෙ බලාපොරොත්තුව ලයිට් හවුස් එක එතන ඉන්න හැමෝමත් එක්කම විනාශ කරලා දාන්න කියලා.

අන්තිමේදි අපි දැක්කා ඩේසිව නැත්තං මෙයාලා ලෝක් විනාශ කරන්නා කියලා හදුන්වන කෙනාව මුදලට ගන්න ගැණුම් කරුවො ඇවිත් ඉන්නවා. එතනදි තමා එක්කෙනෙක් ඉදිරියට ඇවිත් කියන්නෙ මෙයා මරණය දක්වා සටන් කරන්න ඕන කියලා. ඒ නොහිතපු විදිහට ආවෙ ෆිට්ස්.

අදත් ඔයාලට කතාවෙ කලින් හිටපු කෙනෙක් ආපහු කතාවට එකතු වෙනවා දකින්න ලැබෙනවා. ඒ වගේම තමා මෙතෙක් අපිට තිබ්බ පැටලිලි සියල්ලම පාහෙ මේ කොටසින් ලිහා ගන්න ලැබෙයි.