Robin Hood (TV Series 2006–2009) [S03 : E04] | පුතාලා වෙනුවෙන් තාත්තලා නොකරන දෙයක් නෑ

ඉතින් අද සූදානම, රොබින්හුඩ් තුන්වැනි කතා මාලාවේ සිව්වැනි කොටස ගේන්නයි. ඉතින් කලින් කමෙන්ටු පළකළ සියළු දෙනාටම ස්තූති කරමින් මම අද කතාව විස්තර කරන්නම්.

පසුගිය කොටසින්

ඇබොට් පියතුමා බයිබලය ඉංග්‍රීසියට පරිවර්තනය කරනවා. මේ කියන කාලෙදි බයිබලය තිබිලා තියෙන්නේ ලතින්වලින් විතරයි. ඉතින් දේව වචනය වෙනත් භාෂාවකට වෙනස් කිරීම අපහාසයක් විදියට සලකන නිසා, මේක රහසිගතවයි කරන්නේ. ෂෙරිෆ් මේක දැනගෙන, මේ රහස එළිකරනවා කියලා, ඇබොට් පියතුමා රොබින්ලාට විරුද්ධ කරවනවා. නිරපරාදේ රොබින්ගේ කල්ලිය මිත්‍යා දෘෂ්ටිකයෝ විදියට හංවඩු ගහනවා බලාඉන්න බැරිව, ඇබොට්ව හමුවෙන්න යන ටක්, මරණ දඬුවමට අහුවෙන්න ගිහින් අනූනවයෙන් බේරෙන්නේ. පස්සේ පරණ ඇටසැකිල්ලකින් ගත්ත අතක්, ශාන්ත ලූක්ගේ ශුද්ධ වූ හස්තය කියලා නම් කරලා, ඒ මාර්ගයෙන් රොබින්ලාව අල්ලගන්න ෂෙරිෆ්, එයාලව පුච්චලා මරන්න යනකොටයි, ඇබොට් පියතුමා ඇත්ත කියන්නේ. ඒකේ ප්‍රතිඵලයක් විදියට, ඇබොට් පියතුමා අවුරුදු 10 ක් තිස්සේ මහන්සියෙන් කරපු පරිවර්තනය, ෂෙරිෆ් ගින්නට දාලා විනාශ කරනවා. කතාව අවසානෙදි පෙන්නන්නේ, ඇබොට් පියතුමා නැවත මුල ඉඳන් තමන්ගේ පරිවර්තනය ආරම්භ කරන එකයි.

මෙවර කොටසින්

ගිස්බන් ගියාට පස්සේ ෂෙරිෆ්ගේ බදු එකතු කරන්න කෙනෙක් නැතුවයි ඉන්නේ. ඉතින් නොටින්හැම් නගරයට බදු එකතු කරන්නාගේ තනතුර වෙනුවෙන් “අනුකම්පා විරහිත රූෆස්” කියලා කෙනෙක් එනවා, තමන්ගේ පුතාත් එක්ක. නමේ හැටියටම මිනිහා ගිස්බන්ටත් වඩා නපුරුයි. ගමේදි එයත් එක්ක ප්‍රශ්නයක් දාගන්න නිසා, කේට්ට රොබින්හුඩ්ගේ කණ්ඩායම එක්ක කැලේ හැංගෙන්න වෙනවා. කේට්ව පිටුවහලෙක් විදියට නම් කරනවා. මේ අතරතුර, අළුත් බදු එකතු කරන්නා ඇවිත් ඉන්නේ මොකක්හරි යටි අරමුණකුත් ඇතිවයි. ඉතින් අද කතාව නරඹලා ඒ දේවල් දැනගන්න. මම ඉක්මනින්ම පස්වැනි කොටස අරගෙන ඔයාලා හමුවෙන්න එනවා. එහෙනම් අදට සමුගනිමි.

 Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.