Robin Hood (TV Series 2006–2009) [S03 : E10] | තවත් සහෝදරයෙක්?

අකුණු ගහ ගහා වහින අතරේ, ගෙදරම කරන්ට් එකත් ඕෆ් කරලා, කළුවරේ ඉන්න ගමනුයි මේ ලිපිය ලියන්නේ. කළුවර වුනාට මේ රෑ නෙවෙයි, දවල් 1 යි ගාණක්. ඉතින් ඔන්න දහවෙනි කොටසත් ගෙනාවා. තව කොටස්තුනයි ඉතුරු වෙලා තියෙන්නේ. ඒ ටිකත් ඉක්මනටම ගේන්න බලාපොරොත්තු වෙනවා. දැන් දැන් කතාව වෙනම අතකට ඇදීගෙනයි යන්නේ. ඉතින් අද කොටස ගැනත් පොඩි විස්තරයක් කරන්නම්.

පසුගිය කොටසින්

දඬුවමට නියමවෙලා ඉන්න, හිතුවක්කාර කෙල්ලක් වන මෙග්ව, ඉසබෙලා නිදහස් කරනවා. ඊට පස්සේ එයාත් ඉන්නේ මාලිගාවේ, ඉසබෙලාට උදව්වට වගේ. මේ අතරේ ඉසබෙලාගේ සැමියා – තෝන්ටන් ඇවිත් එයාව අල්ලගන්නවා. අවසානයේදි රොබින්ගේම උදව්වෙන් තමයි, ඉසබෙලා තෝන්ටන්ගෙන් නිදහස් වෙන්නේ. ඒ අතරෙදි කේට් රොබින්ට ආදරය කරන බව දැනගත්තම, මාච් කඳවුරෙන් යන්න හැදුවත්, ඉසබෙලා ආයෙත් රොබින්ව අල්ලාගන්න යනකොට උදව් අරගෙන එතනට එනවා. මේ අතරේ තෝන්ටන් මෙග්ව හිරේ දාලා ඉඳිද්දි තමයි, මෙග්ට ගිස්බන්ව හම්බවෙන්නේ. මරණ දඬුවමට නියම වුනු ගිස්බන්, මෙග්ට ටිකක් කරුණාවෙන් සැකතුවාම, මෙග් ගිස්බන්ට කැමතිවෙනවා. එයා ඉසබෙලාගෙන් යතුර හොරකම් කරගෙන, ගිස්බන්ට පැනලායන්න උදව් කරද්දි, ඉසබෙලාට දෙන්නවම අහුවෙනවා. ඒකෙන් දෙන්නටම මරණ දඬුවම නියමවෙනවා. වධකයා පොරෝ පහර ගහන්න ඔන්නමෙන්න තියෙද්දි, රොබින් වධකයාට විදලා, දෙන්නව බේරගන්නවා. ඒත් මෙග්ට සෙබලෙක්ගේ හෙලි පහරක් වදිනවා. අවසානයේ මෙග් ගිස්බන්ගේ අතේම මැරෙන හැටිත්, තෝන්ටන් ඉසබෙලා අතින් මැරෙන හැටිත් ඔයාලා දකින්න ඇතිනේ.

මෙවර කොටසින්

ගිස්බනුත් දැන් පිටුවහලෙක්ගේ තත්ත්වයට පත්වෙලා තියෙන නිසා, රොබින් ගිස්බන් පිටිපස්සෙන්ම යනවා. දෙන්නා පරණ රණ්ඩුවම ඇදලා ඇරගෙන, මරාගන්න හදනකොටයි වෙන කෙනෙක් ඒකට මැදිහත් වෙන්නේ. මූණවහගෙන ඉන්න මේ මනුස්සයා, රොබින් – ගිස්බන් දෙන්නවම සිහිනැති කරලා, ගැටගහලා දානවා. ඊට පස්සේ එයාලගේ පොඩි කාලේ වුන සිද්ධි ගැන නොදන්න කතාවක් එයාලට කියනවා. ඉතින් මේ මූණ වහගත්ත මනුස්සයාකවුද, උඩ මාතෘකාවෙන් මම කිව්වේ කාගේ සහෝදරයා ගැනද කියලා බලාගන්න එක ඔයාලට භාරයි. ඉක්මනින්ම ආයෙත් හමුවෙමු. ඔයාලා හැමෝටම සුභ දවසක්!

 Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.