Robin Hood (TV Series 2006–2009) [S03 : E11] | මගේ හතුරාගේ හතුරා, මගේ මිතුරා ය.

ඔන්න තව කොටස් දෙකයි මට ගේන්න තියෙන්නේ. ඒ කියන්නේ මේ රොබින්හුඩ් තුන්වෙනි කතා සමයේ එකොළොස්වැනි කොටස. ඉතින් වෙනදා වගේම පසුගිය කොටසින් වැඩ අරඹමු.

පසුගිය කොටසින්

පිටුවහලෙක් විදියට දැන් කැලේ ඉන්න ගිස්බන් පිටිපස්සෙන්, රොබින් යනවා. රොබින් කොහොම වුනත්, පරණ තරහවල් තාමත් ගිස්බන් අතඇරලා නැති නිසා, දෙන්නා ආයෙත් සටනක් පටන් ගන්න අතරේ, කවුරුහරි කෙනෙක් එයාලට සිහිනැතිවෙන දෙයක් විදිනවා. ඒකෙන් පස්සේ දෙන්නා ඇහැරෙනකොට එයාලා ඉන්නේ ගිනිමැලයක් ළඟ බැඳලා දාලයි. එතන ඉන්න ඔළුව වහගත්ත අමුත්තෙක්, එයාලගේ පරණ සිදුවීම් මතක් කරන අතර, ඒකෙන් ගිස්බන්ගේ අම්මයි, රොබින්ගේ තාත්තයි අතර සම්බන්ධයක් තිබුනු හැටිත්, ගිස්බන්ගේ තාත්තව ලාදුරු රෝගියෙක් බව දැනගෙන ගමෙන් පිටමං කරපු හැටිත්, අවසානයේදි ගිස්බන් මැදුරට ගිනි ඇවිලිලා, රොබින්ගේ තාත්තයි, ගිස්බන්ගේ දෙමව්පියෝයි ඒකෙන් මැරෙන හැටිත් එයාලට මතක් වෙනවා. ඒත් රොබින්ගේ තාත්තට දාව, ගිස්බන්ගේ අම්මට පුතෙක් හිටිය බවත්, එයාව රහසින් පිටමං කරපු බවත් එයාලා දන්නේ නෑ. අවසානේදි වෙස්වලාගත් අමුත්තා – ඒ කියන්නේ ගින්නෙන් බේරුනු රොබින්ගේ තාත්තා, රොබින්ගෙයි ගිස්බන්ගෙයි අර්ධ සහෝදරයා වන – ආචර්ව යෝක්වලදි එල්ලන්න යන බවත්, එයාගේ පපුවේ ඊ හිසක හැඩැති උපන් ලපයක් තියෙන බවත් දැනුම් දෙනවා. මේකෙන් පස්සේ පරණ තරහකාරයෝ දෙන්නා, පරණ ප්‍රශ්න අමතක කරලා තමන්ගේ මල්ලිව බේරගන්න යනවා.

මෙවර කොටසින්

රොබින්ට වුනත් තාම එකපාරට ගිස්බන්ව විශ්වාස කරන්න බෑ. ඒ වගේම රොබින්ගේ කණ්ඩායම කොහොමටවත් ගිස්බන්ට කැමති වෙන්නේ නෑ. මොකද ඒ තරම් කාලයක් තිස්සේ ගිස්බන් කරපු වැඩ නිසා. කොහොමවුනත්දෙන්නා ආයෙත් යෝක්වලට යනවා, ආචර්ව හොයාගන්න. යෝක් බලකොටුව ලේසියෙන් ඇතුලට යන්න බැරි තරමට සෙබලුන්ගෙන් පිරුණු එකක්. ඒ වගේම ආචර් කියන්නෙත් එක විදියක කපටියෙක්. රොබින්ලා යෝක්යනවා කියලා අනුමාන කරන ඉසබෙලාත් එයාලගේ පස්සෙන් යෝක්වලට යනවා, තමන්ගේ සෙබලුත් අරගෙන. ඉතින් මේ සියලු බාධා මැද රොබින්, තමන්ගේ සතුරා වන ගිස්බන් එක්ක මේ වැඩේ සාර්ථකව කරගනියිද කියලාඔයාලා බලන්න. ඉක්මනටම දොළොස්වෙනි කොටසින් අපි මුණගැහෙමු. ඔයාලා හැමෝටම සුභ දවසක්.

 Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.