මේ සතියේ සබත් නිකුත් වෙන්න ප්‍රමාද වුණා. ඒ නිසා සබෙන් අඩක් වගේ කරලා සුපර්නැචුරල් එකට මූලිකත්වය දුන්නා. මේ ගැන කලින් කොටසෙදිත් මතක් කලාට වැඩක් නැහැ කියලා තේරුනේ ඒත් සමහර ෆිනාලේ එපිය කෝ කියලා අහන්න ගත්තමයි. අනේමන්දා ඉතින්! අවසානයට ඇවිත් තියෙන එකේ කලින් කොටසේ මොකක්ද වුණේ කියලා මතක් කරගමු. ඕමාර් ඉඩ්‍රිසිව අල්ලගත්තට පස්සේ ටීම් එකේ අය වායට්, නෝවින්, මැකැලැස්ටර් වගේම රෙනෝල්ඩ් හතරදෙනා එයාව අරගෙන එන ගමන් හිටියේ. මොකක්දෝ හේතුවක් නිසා මේ අය ප්‍රධාන පාරකින් යන්න තීරණය කරලා තිබුණා. මේ නිසාම කුලී හේවායෝ වගයක් ඇවිල්ලා මේ අයට පහර දෙන්න ගත්තා. මේ දෙගොල්ලෝ අතර වෙඩි ප්‍රහාර එල්ලවෙන අතරේ එක පාරටම රෙනෝල්ඩ් ඉඩ්‍රිසිව අරගෙන යන්න ගියා. ටීම් එකේ අයට විතරක් නෙවෙයි එක පාරටම මටත් නිකත් පිස්සු වගේ එයා එහෙම කලේ ඇයි කියලා. එයා ඒක කලේ ඩොනවන්ගේ නියෝග වලට නිසා තමයි. ඒත් ඇයි ඒ කියලා නම් ඇත්තටම හිතාගන්න බැරි වුණා. ඩොනවන්ගේ උපදෙස් පරිදි ඉඩ්‍රිසිව රහස් හමුවකට අරන් එන්න කියලයි එයා රෙනෝල්ඩ්ට නියෝග දීලා තිබුණේ. රෙනෝල්ඩ් ඉඩ්‍රිසිව අරන් ගියත් එක්කම ටීම් එකේ අයත් ඉක්මනින්ම වාහනයක නැගලා එයා පස්සේ පන්නන්න ගත්තා.නෝවින් මේකට ජෙන්සන්ගෙන් උදව් බලාපොරොත්තු වෙන්න කියලා හිතාගෙන එයාට කෝල් කලාට එයා උත්තර දුන්නේ නැහැ. මොකද කියලා අමුතුවෙන් මතක් කරලා දෙන්න ඕන නැහැනේ. අර කලින් වතාවක ජෙන්සන් ඉස්පිරිතාලෙ ඉන්නකොට ජෙන්සන්ගේ ෆයිල් ස්වයංක්‍රීයවම නෝවින්ට ඊමේල් එකක් හරහා ආවා කියලා කතාවක් ගියානේ. අන්න ඒ විදිහටම ජෙන්සන් අන්තිමටම හොය හොයා හිටිය ටෙනෙබ්‍රේ ව්‍යාපෘතියෙ හැම විස්තරයක්ම කලින් විදිහටම නෝවින්ට ලැබුනා. එතනදී තමයි ටීම් එකේ අය දැනගත්තේ ජේන් ලව්රි කියන්නේ බ්‍රිතාන්‍ය නියෝජිතවරියක් කියලා.
අපිට ජේන්ගෙයි ඩොනවන්ගෙයි පුංචි සිදුවීම් පෙලකුත් මේ අතරින් පතර දැකගන්න ලැබුණා. ඩොනවන් තමයි ජේන්ව පුහුණු කරලා ඉඩ්‍රිසි ලගට යවලා තියෙන්නේ එයාගේ විශ්වාසය දිනාගෙන, එයා ගැන විස්තර හොයාගෙන ඔත්තු සපයන්න කියලා. මේ විදිහට ඔත්තු සපයලා ටෙනෙබ්‍රේ ව්‍යාපෘතියෙන බලාපොරොත්තු වෙලා තියෙන්නේ ඉඩ්‍රිසිව මරලා දාන්නයි. ඒත් ත්‍රස්තවාදියා ලගට ඔත්තු බලන්න ගිය නියෝජිතවරිය අන්තිම නතර වෙලා තියෙන්නේ ත්‍රස්වාදියෙක්ට ආදරය කරලා තමන් සේවය කරන තැනට පිටුපාන විදිහට වැඩ සලස්වලා. ඉඩ්‍රිසිව ඕන කරපු මිනිස්සු නැවතුනෙම නැහැ එයාව අල්ලගන්නකන්ම. කොටින්ම රෙනෝල්ඩ් මගදිත් පහර දීමකට ලක් වුණා. මේ අතරෙදි තමයි රෙනෝල්ඩ් ගිය දිහාවටම එයාගේ ටීම් එකේ අයත් හොයාගෙන ආවේ. පස්සේ නෝවින් ඩොනවන් ගැන හැම ඇත්තක්මත් කියනවා. තමන්ගේ බිරිද කලේ බොරුවක් කියලා ඉඩ්‍රිසිත් දැනගන්නවා. ඒත් එක්කම රෙනෝල්ඩ් නෝවින්ට කිව්වා ජෙන්සන්ගේ මරණය ගැන. එයා විශ්වාස කලේ නැහැ එයාලගේ කුටියට ප්‍රහාරයක් එල්ල වුනු කතාව. එයා කිව්වෙම මේකත් ඩොනවන්ගේ වැඩක් වෙන්න ඇති කියලා. මේ අතරෙදි ඩොනවන් ගිහින් හිටියා ජේන්ව මුණගැහෙන්න. එයාව මුණ ගැහෙන්න ඉන්න අතරතුරදී ඩොනවන් කෝල් එකක හිටියේ. එයාට ඉහලින් නියෝග දෙන ගෑනු කෙනත් එක්ක. ඒ කෙනා කිව්වේ ටෙනෙබ්‍රේ ගැන හෙළි වුන නිසා මුළු ටීම් එකේම අයව මරලා දාන්න කියලා. ඩොනවන් ඒකටත් කැමති වුණා. ජේන් එතනට ගෙන්නගෙන එයාව අල්ලගන්න අදහසින් හිටියත් ජේන් එතනත් බෝම්බයක් පුපුරවලා යන්න ගියා. මේ අතරේදී ටීම් එකේ අය ඉන්න තැනට කට්ටිය ආයේ ඇවිත් පහර දෙන්න ගත්තේ. පහර දෙන ගමන් මේ අය ලගපාත තිබුණු නැවට ගොඩ වුණේ පහර දෙන්න තියෙන ලේසියට. නමුත් ඒ වෙනුවට එයාලව කොටු වුණා. ඒ වෙන කාටවත් නෙවෙයි අයිව්ස්ගේ මිනිස්සුන්ට. එයාගේ කට්ටියම තමයි මෙච්චර කාලයක් තිස්සේ මේ අයගේ පස්සේ පන්නලා තියෙන්නේ. මොකද අර ඔක්ටගන් කියන්නේ අයිව්ස්ගේ කම්පැනි වලින් එකක්. ජේන්ව ඔත්තු බලන්න. ඉඩ්‍රිසි ලගට යවපු කාලෙදි එයා ඩොනවන්ගේ සිස්ටම් වලට ඇතුල් වෙලා තොරතුරු හොයලා තියෙනවා. එතකොට එයා හොයාගෙන තියෙනවා “ඇට්ලස්” කියලා දෙයක් ගැන. ඉඩ්‍රිසි කිව්ව විදිහට නම් ඔය ඇට්ලස් කියන දේ ඉඩ්‍රිසිට වගේම ජේන්ට වාසියට පාවිච්චි කරන්න පුලුවන්ලු. මේක ගැන දැනගත්ත අයිව්ස්ට ඇට්ලස් ඕන වෙනවා. ඒ නිසා එයා ඉඩ්‍රිසිගේ නිදහස වෙනුවෙන් ඇට්ලස් එක ඉල්ලනවා. ටීම් එකේ අයව මරලා දාන අරමුණින්. ඒත් ඒ වෙලාවේ නෝවින් ඇවිත් ටීම් එකේ අයව බේරාගත්තා.
පස්සේ සැලසුමකට අනුව නෝවින් වගේම රෙනෝල්ඩ් දෙන්නා ගියා ඩොනවන් එන්න කියපු තැනට. මැකැලැස්ටර් වගේම වායට් ගියා ඉඩ්‍රිසි අයිව්ස් එක්ක ජේන්ව මුණ ගැහෙන්න ගියපු තැනට. ඩොනවන් ඒ වෙද්දී සැලසුම් කරලා තිබුණ එයාගේ කට්ටිය දම්මලා රෙනෝල්ඩ්ව මරන්න. කොටින්ම එයා දැනන් හිටියේ නැහැ රෙනෝල්ඩ් ලග ඉඩ්‍රිසිව නැහැ කියලා. කොහොම කොහොමින් හරි ඩොනවන් ඇත්ත වමාරන්න ගත්තා. රෙනෝල්ඩ් ඩොනවන්ගේ පස්සේ පන්නලා එයාව මරලා දාන අතරෙදි නෝවින්ව ඩොනවන්ගේ කට්ටියට කොටු වෙලා ඉද්දි තමයි මයිකල් වගේම ස්කොට් ඩබල ඇවිත් නෝවින්ව බේරගත්තේ. නෝවින් අඩුම තරමේ දැනගෙන හිටියෙවත් නැහැ මේ දෙන්නා කවුද කියලවත්. අනික් හමුව ගැන කියනවනම්, ඉඩ්‍රිසි වගේම අයිව්ස් එයාගේ කට්ටිය ලැස්ති කරගෙන ගිහින් ජේන්ව මුණගැහුනා. ඒත් ජේන් ඒ වෙලාවේ ඇට්ලස් එක තියෙන තැනකිව්වට හරියටම තැන කිව්වේ නැහැ. ඒත් එයා එක්කන් යන්නම් කිව්වා. ආයේ මේ ගොල්ලෝ මගහැරුනොත් අල්ලන්න වෙන්නේ නැති නිසා වායට් වගේම මැකැලැස්ටර් තීරණය කලා ජේන්වයි ඉඩ්‍රිසිවයි මරලා දාන්න. ජේන්ව නම් වායට් මරලා දැම්මා. ඒත් මැකැලැස්ටර්ට හැකියාවක් ලැබුණේ නැහැ ඉඩ්‍රිසිව මරලා දාන්න. ඒ නිසා ඒ ගොල්ලෝ එතනින් පැනගන්නවත් එක්කම වායට් වගේම මැකැලැස්ටර් ඒ ගොල්ලන්ගේ පස්සේ පැන්නුවා.
අද එතන ඉදන් කතාව ගලාගෙන යනවා. වායට් වගේම මැකැලැස්ටර් ඉඩ්‍රිසිගේ පස්සෙන් පන්නනවා. ඉඩ්‍රිසිගේ කට්ටිය ඇවිත් අයිව්ස්ගේ කට්ටියව මරලා ඉඩ්‍රිසිට උදව් කරනවා ඇට්ලස් එක අරගන්න. මිට කලින් ටීම් එකේ අය උත්සහ කරනවා ගිහින් ඇට්ලස් එක අරගන්න. සුපුරුදු පරිදි අද කොටසටත් මයිකල් වගේම ස්කොට් එනවා. ඒත් වැඩිය බලාපොරොත්තු තියාගන්න නම් එපා මේ දෙන්නා කරන්නේ ආරාධිත රංගනයක් විතරක් නිසා. මට නම් මයිකල් වගේම ස්කොට් දෙන්නා ගැන පොඩි සැකයක් තියෙනවා මේ දෙන්නා දැන් වැඩ කරන්නේ ඇත්තටම කාටද කියලා. මොකද හැසිරීම නම් හරිම අමුතුයි. බලලම ඉන්නකෝ එහෙනම් හරිහැටි අවසානයක් නොකර තවත් කතාසමයකට ඉතිරි කරන මේ කොටසත්.
මෙතෙක් කාලයක් කතාමාලාව හුග දෙනෙක් බැලුවේ නැහැ පරණ දෙන්නා නැති නිසා. කොටින්ම මේ කතාසමයේ රේටින් පවා අඩුවුණා. ඒ නිසා තමයි මං හිතන්නේ මේ කතාමාලාවේ නිෂ්පාදකවරුන් තීරණය කරන්න ඇත්තේ පරණ දෙන්නව ගෙන්නන්න ඕන කියලා. ඒකෙ ප්‍රතිඵලයක් නිසා වෙන්න ඕන IMDb අගය මුල් කොටස් අටටම 5.5-6.5 අතර පැවතුනු මේ කතාසමයේ අවසාන කොටස් දෙකට පිළිවෙලින් 9.2 ක් වගේම 9.4 වගේ ඉහල අගයන් ලබාගෙන තියෙන්නේ පරණ දෙන්නා ආරාධිත රංගනයෙන් හෝ දායක වුනු නිසා. ඔන්න එහෙනම් තවත් කතාසමයක අවසානයට ලගා වුණා. මේ වෙද්දීත් ස්ට්‍රයික් බැක් හත්වැනි කතාසමයට දීර්ඝ කරලා තියෙන්නේ.
මං ගිහින් එන්නෙම්. හැමෝටම ජයෙන් ජය! සුභ සතිඅන්තයක් වේවා!
හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.
Torrents Download
| HDTV | x264 | MTB | 377MB |
Direct Download
| HDTV | x264 | 480p | 238MB |
| HDTV | x265 | 720p | 300MB |
අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම් අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්.
(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)
