Supergirl [S04 : E06] | කැරපොත්තෝ සහ වෙස් මූණෝ..!

ආයුබෝවන් යාළුවනේ..!

මුලින්ම සමාව ඉල්ලා සිටිනවා ප්‍රිය රසික රසිකාවියන්ගෙන් සිදුවුණු ලොකු ප්‍රමාදය ගැන. ඇත්තටම වෝකින් ඩෙඩ් ඉවර කරල මේක ඉක්මනින් දෙන්න තමයි හිතාගෙන හිටියෙ. ඒත් අවසානාවට මගේ අතක් පිච්චිලා ඇඟිලි තුනකට ටිකක් බරපතල හානි වුණු නිසා ටයිප් කරන වැඩේ දවස් ගාණක් තිස්සෙ කොහොමටවත් කරගන්න හැකියාවක් ලැබුණෙ නැහැ. ඒ නිසා මට මේක ඉවරයක් කරගන්න සතියක්ම ගියා. හෙට ඊලඟ කොටසත් එන්න නියමිතයි. ඉතිං නැවත සමාව ඉල්ලා සිටිනවා සිදුවුණු ප්‍රමාදය සහ අපහසුතාවය ගැන.

ඉතිං කොහොමහරි මේ අරගෙන එන්නෙ සුපර්ගර්ල් හයවන කතාංගය. වෝකින් ඩෙඩ් සහ සුපර්ගර්ල් එකම දවසෙ එක වෙලාවෙ නිකුත් වෙන නිසා ඉතිං මට වෝකින් ඩෙඩ් සඳහා ප්‍රමුඛත්වය දෙන්න වෙනව. මොකද ෆෑන් බේස් එක කොච්චර අඩු වුණත් වෝකින් ඩෙඩ් කියන්නෙ පට්ටම සීරීස් එකක්. අනික දැන් ආයෙ අලුත්ම කේස් එකක් නිසා කතාව ගින්දර වෙලා තියෙන්නෙ. ඉතිං සුපර්ගර්ල් පහුගිය කොටසෙදි මම කිව්වට, මේක පුරුදු විදියට නිලුපුල් සබ් අරගෙන ඒවි කියල, රැකියාවත් එක්ක නිලා කාර්‍යබහුල වීම නිසා හසායියා ඇහුව මේ සීසන් එක මට කරල දෙන්න පුළුවන් ද කියල. මළත් නම් CW ඒව බාරගෙන සබ් කරන්නෙ නෑ කියල හිතාගෙන හිටියත් අපේ එකෙක් අමාරුවේ වැටුණම ගොඩදාන්නෙ නැතුව බෑනෙ. ඉතිං හසායියා මාව මේ පටලවපු කුණ්ඩවාලයේ පිනෙන් එතුමාට දහස් ගණනින්, ආත්ම ගණනක් CW උපසිරැසි කරන්න ලැබේවා කියල ප්‍රාර්ථනා කරනව! ??(මොකද CW සීරීස් පරම්පරා කීපයක් යනකං ඉවර වෙන්නෙ නෑ.) ??

පසුගිය කොටසින්..
ඉතිං අපි දැක්ක විදියට පරපෝෂිතයා ශරීරගත කළාට පස්සෙ ජෙන්සන් හිටියෙ සෑහෙන ලොකු වේදනාවකින්. නමුත් ඒජන්ට් ඔෆ් ලිබර්ටි, නැත්තං විමුක්තියේ ඒජන්තවරයා කියල හඳුන්වාගන්න කෙනා ජෙන්සන්ව එක්කගෙන ගිහින් ශරීරයෙන් ගින්දර පිට කරන පිටසක්වලයෙක් පෙන්නල දැන් ජෙන්සන් සතුවෙලා තියෙන බලය අණාවරණය කරල පෙන්වනව. ඒ අනුව ජෙන්සන්ට හැකියාව තියෙනව පිටසක්වලයෙක් සතු ඕනෑම බලයක් අවශෝෂණය කරගෙන පිටසක්වලයා රොඩ්ඩක් කරල දාන්න. ඉතිං මේ අනුව සුපර්ගර්ල්ට ජෙන්සන්ගෙ ලඟට කිට්ටු වෙන්නවත් බැහැ. ඒ නිසා බ්‍රෙනි, DEO අලුත් සේනාධිපතිනිය සහ ඇලෙක්ස් සැලැස්මක් හදනව ජෙන්සන් අල්ලගන්න. මේ වෙනකොට ජෙන්සන් අමඩෙයි ඩෙරස්ගෙ කවචය අරගෙන අපරාජිත මට්ටමේ බලයක් ලබාගෙන ඉන්නෙ. ඒ අනුව අමඩෙයි ඩෙරස්ගෙ අසපුවට ඔහුව බලන්න එන පිටසක්වලයන්ගේ බලය අවශෝෂණය කරගන්න ජෙන්සන් එතනට එනව. ඒ ආවට පස්සෙ බ්‍රෙනී ගෝලාකාර ආරක්ෂක ආවරණය ක්‍රියාත්මක කරල ජෙන්සන් හිර කර ගන්නව. නමුත් මේ ගෝලය තුළ සාමාන්‍ය මිනිස්සු ඉන්න නිසා ජෙන්සන්ට අධිභාර කරල පුපුරුවා හරින්න විදියක් නැති වෙනව. ඒ නිසා ඇලෙක්ස්, සුපර්ගර්ල් නිතරම පාවිච්චි කරන ක්‍රමයක් උත්සාහ කරනව. ඇය ජෙන්සන්ගෙ ඇතුළෙ ඉන්න හොඳ මනුස්සයට කතා කරනව. ඒ අනුව ජෙන්සන් පරපෝෂිතයාගෙන් නිදහස් වෙනව. මිනිස්සු මැරෙන එකත් නතර වෙනව. නමුත් ඒකෙන් ජෙන්සන්ගෙ මොළය අකර්මණ්‍ය වෙනව. ඒ නිසා විමුක්තියේ ඒජන්තවරයා ගැන කිසි තොරතුරක් ඔහුගෙන් ලබාගන්න බැරි වෙනව. මේ අතරෙ බෙන් ලොක්වුඩ් මිනිසුන් හා පිටසක්වලයන් භේදභින්න කිරීමේ යටි අරමුණට ජේම්ස්වත් පටලවගන්න උත්සාහ කරන හැටි අපි දැක්ක. ඒ වගේම අලුත් සේනාධිපතිනිය ඇලෙක්ස්ට හිසරදයක් වේගෙන එන ලකුණු පෙන්නුම් කරමින් තමයි තියෙන්නෙ.

අද කොටසින්..

ඉතිං ඔන්න අද කොටසෙදි බලන්න වෙන්නෙ තුති පිදීමේ උත්සවය එක්ක ගැටගැහුණු සිදුවීම් පෙළක්. කොහොමහරි මේ වෙනකොට ලොක්වුඩ් විමුක්තිවාදීන් උසි ගන්වල තියෙන්නෙ. ඔන්න ඒ අස්සෙ ජේම්ස් කෝල් කළානෙ ලොක්වුඩ්ට. ඒ මර්ගයෙන් ජේම්ස් අද ටොම් කියල විමක්තිවාදියෙක් හමු වෙනව. ඒ වගේම මේ හමුවීමට ලීනා කොහෙත්ම එකඟ වෙන්නෙ නැහැ. දෙන්න අතරෙ බහින්බස් වීම් වෙලා දෙන්න වෙන් වෙනව වගේ තමා පේන්නෙ. ලීනා කියපු දේ නාහපු ජේම්ස්ටත් ලොකු අනතුරකට මූණ දෙන්න වේවි වගේ. මේ ඔක්කොම අතරෙ විමුක්තිවාදීන් තුති පිදීමේ උත්සවය වෙලාවට ප්‍රහාරයක් දියත් කරන්න සූදානම් වෙනව. ඒක කොහොමහරි කාරා ඇතුළු පිරිස මේක දැනගෙන සටනක් දෙනව පිටසක්වලයින් බේරගන්න. ඔන්න බ්‍රෙනී භෞතික විද්‍යාවෙන් සටන් කරන්නෙ කොහොමද කියල කට්ටියට දැනගන්න පුළුවන්. ඒ වගේම නියා නාල්ගෙත් මොකක්හරි ලොකු හොරයක් තියෙනව වගේ තමයි පෙන්නෙ. තාම ඒක මොකද්ද කියන එක පැහැදිලි නැහැ. මේ අතරෙ ලීනාගෙ හර්නෙල් පරීක්ෂණයේ මොකක්හරි වෙනසක් වෙලා යම් මට්ටමක ප්‍රතිඵලයක් ලැබිල තියෙනව. ඒ වගේම ලීනා තීරණය කරනව පරීක්ෂණය අත්හදා බලන්න. එහෙනම් හෙට වෝකින් ඩෙඩ් තුළින් නැවත හමුවෙමු. ප්‍රමාදය ගැන නැවත සමාව ඉල්ලා සිටිනවා. ගිහින් එන්නම්. ජය වේවා!

 

 Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| WEB | x264 | 1080p | 2.4GB |