Supernatural [S14 : E07] | අද මා ජීවත් වන අවසන් දිනය නම්..

පසුගිය සතියෙන්

ඩීන් හා ජැක්ගෙ දඩයම

කලින් කොටසටත් කලින් කොටසෙ මතකනේ මේරි බොබීවත් එක්කන් ඩෝනාගෙ තැනකට ගියා. මේ දෙන්නව එක්කන් ගිහින් තිබුනේ ඩීන්. එයා ගිය අතරේ සෑම්ට චාලීගෙන් ලැබුණු ආරංචියක් මත සෑම් එයත් එක්ක දඩයමේ ගිහින් තිබුණා. ජැක්ට ඕන වෙලා තිබුනේ දඩයමේ යන්නයි. මේ නිසා එයා ඩීන්ට බල කරලා කියලා මේ දෙන්නා දඩයමේ යන්න ගන්නවා. කේස් එක හොයාගෙන තිබුනේ ජැක්මයි. මනුස්සයෙක්ගෙ හපපු පාරවල් එක්කම හොයාගන ලැබුණු මිනියක කේස් එකක් හොයාගෙන ගියාම මේ දෙන්නට දැනගන්න ලැබුනා හාපර් කියන රූමත් තරුණිය එක්ක යාලු වෙන හැම කොල්ලම මැරිලා යනවා කියලා. පස්සෙ හොයාගෙන යද්දී දැනගන්න ලැබුනා මේ හාපර් කියන කෙල්ල පැවතගෙන එන්නේ භූත වෛද්‍යවරුන්ගෙන් කියලා. පරම්පරා ගණනාවක්ම එකම ටවුමේ හිටිය හාපර්ට එයාගෙ උසස් පාසලේ එයා එක්ක යාලු වෙලා හිටිය කොල්ලා උසස් පාසලෙන් අයින් වුනාට පස්සෙ ටවුම අතහැරලා යමු කියලා යෝජනා කලත් හාපර් මේකට කැමති වෙලා නැහැ. ඒත් එයාගෙ ඒ වෑන්ස් කියන කොල්ලා එයාවත් අතහැරලා යන්න ගිහින් තියෙනවා. හැබැයි හාපර් එයාව මරලා ආයෙම වතාවක් පණ දීලා එයා කැමති දේවල් කරවගෙන තියෙනවා. විශේෂයෙන්ම ටවුමෙන් පිට යන එක වලක්වගෙන තියෙනවා. ඒත් වෑන්ස්ට ජීවත් වෙන්න නම් සොම්බියෙක් කරන දේකට සමාන දෙයක් කරන්න ඕන. ඒ නිසාම තමයි හාපර්ට කිට්ටු වෙන හැම කොල්ලම වෑන්ස් මැරුවේ. කොහොම කොහොමින් හරි එයා ජැක්වත් මරන්න යද්දී එයාව කොටු කරගන්න ඩීන්ටයි ජැක්ටයි අවස්ථාව ලැබුනා. හැබයි හාපර් පැනලා ගියා. ඒත් හාපර් ගැන දැනගන්න ජැක් එයාට සමීප වුන නිසාම හාපර් ඇත්තටම ජැක්ට කැමැත්තෙන් හිටියෙ. සමහරවිට ඉදිරියේදී අපිට ආයෙමත් වතාවක් හාපර්ව දකින්න ලැබෙයි. සාර්ථකවම අවසන් කරපු දඩයම ඉවර වෙලා ගෙදර ආවම ජැක්ට තිබුණු කැස්ස ඩීන් ඉස්සරහම වැඩි වෙලා එයාව ඇදගෙන වැටෙනවා.

සෑම් හා චාලීගෙ දඩයම

මේ දෙන්නා හොයමින් හිටියෙ මිනිස්සු අතුරුදහන් වෙන සිද්දියක් ගැන. මේ දෙන්නට දැනගන්න ලැබෙනවා මස්කා කියලා මිනිසායි, මැස්සායි අතර ඉන්න හයිබ්‍රිඩ් ජීවීයා ගැන. මේ ඔය කියන මස්කා ජීවීන්ගෙන් කෙනෙක් තමන්ගේ සමුහය අතහැරලා මිනිස්සු හොයාගෙන වර්ගයා බෝ කරන්න මිනිහෙක්ගෙ ඇගක් ඇතුලේ කැදැල්ලක් හදන්නයි ඕන වෙලා තිබුනේ. කොහොමහරි සෑම් වගේම චාලී දෙන්නා එකතු වෙලා ඔය කියන මස්කාව මරලා එයාලගේ දඩයමත් සාර්ථකව නිමා කලා. ඒවගේම තමයි චාලී මේ දඩයමෙන් පස්සෙ මේ අයව අතහැරලා යන්න තිබුණු අදහසත් සෑම් වෙනස් කලා.

මිලග උපසිරැසියෙන් මුණගැහෙමු එහෙනම්. සුභ සතිඅන්තයක් වේවා හැමෝටම.

——
අද කතාවේ නම “Unhuman Nature”
අධ්‍යක්ෂණය: John Showalter
ලිව්වේ: Eugenie Ross-Leming & Brad Buckner
විකාශනය වුනේ: 2018 නොවැම්බර් 29
මීලග කොටසින්: Byzantium | 2018 දෙසැම්බර් 06

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්.