The 100 [S05 : E07]| යුද්ධයේ පෙර සූදානම පරාජයට හේතුවක්ද?

ඔන්න එහෙනමනම් මේ අපි ආයේ හමුවෙන්නේ සතියකට පස්සේ. ගිය සතියෙත් THE 100 කොටස සමගාමිව විකාශය උනේ නෑ නොවෑ.. දැන් මේක සතියක් ඇර සතියක්ද මන්දා විකාශය වෙන්නෙත්.. හරි ඒ බයිලා ඕන නෑ අපි කතාව ගැන බලමුකෝ..

කලින් කොටසේ මතකයිනේ ඔක්ටේවියා නිම්නය අල්ලගන්න ගිහින් ලබපු පරාජය නිසාවෙන් වගේම පරපෝෂිතයෝ පහර දීපු නිසා ආපහු පෝලිස්වලට ඇවිත් ඉන්නේ. සමහරු ඩියෝසාට තියෙන බිය නිසා බංකරේ ඇතුලෙන් එලියටවත් බහින්නේ නෑ. ඔන්න ඔහොම තියෙන වෙලාවේ ඩියෝසාගේ යානය ඇවිත් පෝලිස් වැසියන්ට කෑමබීම දාලා යනවා. කෑමබිම විතරක් නෙවෙයි එක්කම පණිවිඩයක් ලබා දෙනවා කැමති අයට ඇවිත් නිම්නයට එකතු වෙන්න කියලා. ඩියෝසාගේ මේ ක්‍රියාවට පාදක වෙන්නෙ ඉතින් සටකපට දේශපාලන දැනුමක් තියෙන කේන්ගෙ අදහස් තමයි. කොහොමහරි ඔක්ටේවියා කරන්නෙ කෑමබීම ගිනි තියලා දාලා තමන්ට විරුද්ධ වෙලා පැනලා යන්න කවුරුහරි හැදුවොත් මරලා දාන්න කියලා නියෝග දෙන එක.

ඔය අතරේ ක්ලාක්ට වෙනම ප්‍රශ්නයක් ඇති වෙනවා.. ඒ තමයි සැබෑවට නයිට්බ්ලඩ් කෙනෙක් වෙච්චි මැඩිගේ ආරක්‍ෂාව. ක්ලාක්ගේ මිතුරිය නයිලා කොහොමහරි දැනගන්නවා මැඩි කියන්නෙ නයිට්බ්ලඩ් කෙනෙක් කියලා. ඇය ක්ලාක්ට කියනවා මේ ගැන ඔක්ටේවියාට කියන්න කියලා. හැබැයි ක්ලාක් උත්සහ කරන්නෙ පෝලිස්වලින් පැනලා ඩියෝසාගේ යානයෙන් නිම්නයට එන්න. ඒත් ඒ උත්සාහය ව්‍යර්ථ වෙලා යනවා මැඩි ඔක්ටේවියා ළගට ගිහින් ඇත්ත කියන එකෙන්. ඔක්ටේවියානම් කියන්නෙ එයාගෙන් මැඩිට හානියක් නෑ කියලා. ඒත් ඉතින් ඔක්ටේවියාගේ දැවැන්ත පරිවර්තනයත් එක්ක ක්ලාක් ඒක විශ්වාස කරයි කියලනම් හිතන්න බෑ. මොකද නායකත්වයට උරුමකම් කියන හැබෑම නයිට්බ්ලඩ් කෙනෙක් ජිවතුන් අතර සිටීම රතු රැජිණගේ ආධිපත්‍යයට විශාල අභියෝගයක් වෙන නිසා.

මතකයිනේ එකෝව ඔක්ටේවියා පිටුවහල් කළා.. ඉතින් කොහොමත් පෝලිස්වලින් යන්න ඉන්න එකෝට ඔක්ටේවියා කියනවා ඩියෝසා ලගට ගිහින් ඔත්තු බලන්න කියලා. ඒ වගේම අහසේ තියෙන ඇහැ අක්‍රිය කරන්නත් මොන්ටි විසින් සාදන සැලැස්මක් ක්‍රියාත්මක කරන්නත් එක්කලා තමයි එකෝ යානයට යන්නේ. කොහොම නමුත් දැකගන්න ලැබෙන විදිහට ඔක්ටේවියාගේ පාලනය නිසා පිඩාවට පත්ව නායිකාව ගැන කළ කිරීමෙන් පසුවෙන සෑහෙන පිරිසක් පෝලිස්වල ඉන්න පාටයි. ඉතින් එහෙම ඩියෝසා ගාවට යන්න හදපු බොහෝ දෙනෙක්ව ඔක්ටේවියා වෙඩි තියලා මරෙව්වා.

ඉතින් අද කොටසෙන් මොනවගේ දෙයක් වෙයිද කියලා අපි කෙටියෙන් වගේ බලමුකෝ එහෙනම්.. අද ඔන්න ඩියෝසා ගාවට ගිය එකෝ රේවන් එක්ක එකතුවෙලා ඇහැ අක්‍රිය කරන්න යන්නේ.. ඒ වගේම එකෝ ඉතාමත් දක්ෂ විදිහට ඩියෝසාගේ හිත දිනාගන්න පවා සමත් වෙනවා. ඔය අතරේ ඔක්ටේවියා යුද්දෙට ලැස්ති වෙනවා. ඇත්තම කිව්වොත් ඔක්ටේවියා මේ පාර ඉතාමත් දරුණු සැලැස්මක් තමයි හදන්නෙ. බෙලමි ක්ලාක් දෙන්නා කොහොමටවත් ඒකට එකග නෑ. මේ යන විදිහට ඉස්සරහට ඔක්ටේවියාට විරුද්ධව සෑහෙන්න පිරිසක් නැගී සිටියි වගේ පේන්නේ..

එහෙමනම් මම මෙතෙකින් නවතිනවා.. ආයේ ඉක්මනටම එන්නම්කෝ ඔහෙලව හම්බවෙන්න.. මොකද SHOOTER තුන්වැනි සමයත් අදින් ආරම්භ උනා නොවෑ..

 හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

Direct Download

| WEB-DL | x264 | 480p | 164MB |

| WEB-DL | x265 | 720p | 226MB |

| WEB-DL | x265 | 1080p | 920MB |