The 100 [S06 : E11] | කූට ප්‍රයෝගයන්!

ඔන්න එහෙමනම් රැගෙන ආවා THE 100 හයවැනි කතාමාලාවේ 11වැනි කතාංගය. ඉතින් මේ කොටසින් පස්සෙ තවත් එන්න නියමිත වෙලා තියෙන්නෙ කොටස් ද්විත්වයක් විතරයි. හොදයි එහෙනම් අපි බලමු කතාවේ මොකද වෙන්නේ කියලා.

ගිය සතියේ කොටස මතක් කළොත් මතක ඇතිනේ ගේබ්‍රියල්ව හොයාගෙන ගිය ක්ලාක්ට මගදී අකරතැබ්බයක් උනා. තව පොඩ්ඩෙන් ක්ලාක්ට වෙන්නේ වනාන්තරයේ කෑමක් වෙන්න. ඒවගේම ඔය වෙලාව වෙනකොට සැන්ටම්වල ආරක්‍ෂක උන්දලා එහෙමත් ක්ලාක් පස්සෙ වැටිලා නෙව හිටියේ. කොහොමහරි ක්ලාක් මැරෙන්න ඔන්න මෙන්න යද්දී එතනට එන ගේබ්‍රියල් සහ ඔක්ටේවියාව ක්ලාක්ව බේරගත්තා මතකයිනේ. හැබැයි ඒ වෙනකොට ඉන්නෙ ක්ලාක් නෙවේ ජොසෆින්. ඉතින් මතකනෙ ජොසෆින් ආරක්‍ෂකයන්ට කතා කරලා ගේබ්‍රියල්ව හිරබාරේට අරගෙන ඔක්ටේවියාව මරන්න කිව්වා. එතකොට එතන උන්නු ආරක්‍ෂකයෙක් අනිත් ආරක්‍ෂකන්ව මරලා දැම්මා මතකයිනේ. ඒ හිටියේ බෙලමි කියලත් මතකයිනේ.

ඔය දේවල් ඔහොම වෙන කොට ක්ලාක් සහ ජොසෆින්ගෙ මනස ඇතුලෙත් සෑහෙන්න දේවල් උනා. මනසට දරාගන්න බැරුව විනාශ වෙන්න යද්දි මතකනෙ ක්ලාක් ජොසෆින්ගෙ ඇතැම් මතකයන් විනාශ කරමින් කාලය ලබාගත්ත හැටි. යම් වෙලාවක දෙන්නා යාළුවො වගේ ළගින් පවා හිටියා. ඉතින් ඒ දේවල් එහෙම වෙනකොට අන්තිමේ ගේබ්‍රියල් ඩ්‍රයිව් එක අයින් කරන්න කටයුතු කළා. කොහොම නමුත් ඒක පලක් උනේ නෑ. මොකද ජොසෆින් ඩ්‍රයිව් එකෙන් අයින් වෙලා ක්ලාක්ගෙ මනස ඇතුලේ හිටිය නිසා. අන්තිමේ ක්ලාක්ව මරන්න ගිය ජොසෆින්ට උනේ ක්ලාක්ගෙ අතින් මැරුම්කන්න. ඉතින් ඒ අනුව ජොසෆින් ප්‍රයිම් සදහටම මියගියා.

ඔය අතරේ සැන්ටම්වල රසෙල්ගෙ සූදානම තිබ්බේ කට්ටියවම පුච්චලා මරලා දාන්න. මේකට හේතුවක් වෙන්නේ සිමෝන්ගෙ මරණෙ. එකෝ සහ ගායා රයිකර් ලව්වා සැන්ටම්වල මිනිස්සුන්ට ඇත්ත හෙළි කෙරෙව්ව නිසා මතකනෙ එක්තරා පුද්ගලයෙක් සිමෝන්ව මරලා දැම්මා. ඊට පස්සෙ රසෙල් තීරණය කළා මැඩි ඇරෙන්න අනිත් හැමෝවම පුච්චලා මරන්න. ඉතින් ඔය අතරේ එකෝගෙ සැලැස්ම උනේ රසෙල්ව මරලා දාන එක, ඒත් මතකනෙ රයිකර් අන්තිම මොහොතේ පැත්ත මාරු කළා. කොහොම නමුත් ජෝන් මර්ෆිගෙ කුට මොළේ නිසා කට්ටියට තව ටික කාලයක් ලැබුනා ජීවත් වෙන්න. ඒ තමයි ඇටමිදුළුවලින් නයිට්බ්ලඩ් හදන පොරොන්දුව. ඉතින් මේ කාර්‍යයට රසෙල් කෙලින් ගන්නෙ මැඩිව.

ගිය සතියේ කතාව ඔහොම වෙන කොට ඔන්න අද ක්ලාක් ආයේ ඇවිල්ලා ඉන්නෙ. ජොසෆින් ආයේ නෑ. ඉතින් දැන් කට්ටියගේ සැලැස්ම සැන්ටම්වලට ඇතුල් වෙලා තමන්ගෙ අයව බේරගන්න එක. එහෙමනම් මම මොකුත්ම කියන්නේ නෑ අද කොටස ගැන. ලබන සතියේ හමුවෙමු ආයේ.