පසුගිය සතියේ කතාව ආරම්භ වුනේ ජූන්ගේ බිඳීයාමෙන් අනතුරුවයි.ඇය ආන්ට් ලිඩියා හා සෙරීනා සමඟ තම ගර්භණී කාලය ගෙවා දමන්නට අකමැත්තෙන් වුවද සැරසුනා. එසේ වන්නේ ,වර්තමාන තත්වයට එරෙහිව නැගී සිටින්නට ඇයට වුවමනා වුවත්, එයට කිසිඳු ඉඩක් ගිලීඩය විසින් ඇයට ලබා නොදෙන නිසාවෙනි.
මෙසේ කාලය ගත වෙද්දී සෙරීනාගේ බළල් ඇසට හසුවන්නේ නික් ය. සෙරීනා කල්පනා කරනවා තව දුරටත් නික්ට තම නිවසේ, ජූන් සමග ළගින් ඉන්නට ඉඩදෙන එක නුවනට හුරු දෙයක් නොවන බව.මන්ද නොබෝ දිනකින් ජූන්ගෙන් හිමි කරගන්න යන දැරුවා ඇයට නොලැබීයාමට කෙසේ හෝ බාධාවක් නික් ඇති කරන්න පුලුවන් වග.
මේ සමාජය කෙතරම් නම් කුරිරුද? තමන් වංශවත් කතක් නම් ,තමන්ට දරුවකු අවශ්‍යනම්, එහෙත් තමාටවත් තම ස්වාමියාටවත් දරුවකු වදන්නට හැකියාවක් නොමැති වුවත්, එය කෙසේ හෝ වෙනයම් මාර්ගයක් භාවිත කර හෑන්ඩ්මේඩ් කෙනෙක් ලවා දරුවකු වදා පසුව එම දරුවාව ඒ අහිංසකාවියගෙන් උදුරාගෙන තමා සතු කරගන්නා ක්‍රියාවලිය, හරි අපූරුවට සාදාරනය කරනා මේ සමාජය ගැන ඔබ මා හොඳටම දැනුවත්.
මේ කාර්‍ය තුල හෑන්ඩ්මේඩ් කෙනෙකුගේ පැතිකඩකින් බලනවා නම්, එය ඇයට කෙතරම් ඛේදවාචකයක් ද? ඇයට මෙය දරා ගන්නට කිසිසේත් පුලුවන් ද? ජූන් දැන් හරියටම ලන් වුනේ මේ වගේ කාලයකට, පසුගිය සතිය අවසාන වන විට ඇයට කිසිම විකල්පයක් ඉතුරුවී තිබුනේ නැහැ. අවසානයේ ඇය තම ජීවිතය නැති කරගන්නට හෝ දරුවා අහිමි කර ගැනීමට උඩුමහලේ ජනේලයෙන් එලියට පනිනවා. නමුත් ඇයගේ ඉරනම ඇයට කෙතරම් සරදම් කරනවාද යන්න කිවහොත් ඇයටවත්, දරුවාට වත් කිසිඳු හානියක් නැති පාටයි. එය ගැන අපිට හරියටම මුකුත් දැන ගන්නට ලැබුනේ නෑනේ. අද කතාවෙන්ම බලමු ඒ ගැන.
පසුගිය වර සෙරිනා ගේ කෲර උත්සහය වුයේ කමාන්ඩර් ෆෙඩ් හරහා ජුන් හා නික් වෙන් කරන්නය. එය ඉටු කරගන්නට ඇය සමත්වනවා. කතාවට නව චරිතයක් එක්වන්නේ නික්ගේ නව බිරිඳ ලෙසය. ඇය නමින් ස්පෙන්සර්. ඇයත් එක් අතකින් ගිලීඩයේ එක් ආකාරයක ඉරනමකට මුහුන දුන් අවුරුදු 15ක කුඩා දැරියක්.වයසින් බොහෝ තරුනයි.නමුත් ගිලීඩය වෙනුවෙන කැපවී සේවය කරන ආරක්ෂකයින්ට/ඔත්තුකරුවන් විවාහ වීමට අවසර ලැබෙන්නේ මෙවැනි තරුණියන්වය. එය එක්තරා ආකාරයක උසස් වීමක් හිමිවීමක් ලෙස සැලකේ.
කරුනු කාරනා එලෙස වෙද්දී මිහිපිට අපාය මත අවසන් ගමන් යන්නට සිදුවු වහලියන් දෙදෙනෙකුගේ කතාව එක්ක කොලනියේ විස්තර ගෙන ආවා. එමිලිත් දැන් ක්‍රමයෙන් දිරා පත් වන්නට පටන් ගෙන ඇති බව පැහැදිලි වුවා, ඇයගේ දත් හැලෙන්නට වූ අවස්ථාවෙන්. කෙතරම් විකිරණ ඇති පරිසරයක සියල්ලෝ ජීවත් වන බව මෙයින් මනාවට පැහැදිලි වුවා. ඉතින් දරු සම්පත අහිමිවීම ගැන අහන්නත් දෙයක් ද. එමිලිගේ උත්සහය ජෙනින් සමග කොලනියෙන් පැන යාමටයි.තවම ඒ ගැන කරුනු කියන්නට වේලාසන වැඩියි.අපි බලමු ඉස්සරහට මොකක් වෙයිද කියලා.
අද කතාව,
ජූන්ගේ අවදි වීමත් සමගයි අද කොටස පටන් ගැනෙන්නේ.මෙතෙක් විසිරී තිබු කතාව, අද ජූන් සමග අනෙකුත් හෑන්ඩ්මේඩ් වරියන් එක් තැනකට ගෙනෙනවා. නමුත් එය දැන ගන්නම් කතාවේ අවසන් මොහොත වෙනකම් ඉන්නට සිදු වෙනවා. මෙවර කතාව අවසානයට ඇති ගීතයට නටන්න තරම් හැඟීමක් ඔබට ගෙන එනවා සත්තයි. අද කොටසේ නම රුධිරය. අනිත් සෑම කතාවකම වාගේ මේ කතාවේ මාතෘකාව ටත් අර්ථ දෙකක් තියෙනවා. එකක් තරමක් පිලිකුල්, අමුත් අනිත් කරුනට ඔබව ප්‍රීතියෙන් පිනා යාවි.
මෙතෙක් කතාවෙන් අපි දන්නවානේ කමාන්ඩර් ෆ්‍රෙඩ් ට දරුවන්ට වදන්න නොහැකි බව. නමුත් ඔබ නිකමට හිතුවාද සෙරීනා ගැන? ඇයට කුමක් වීද කියා. අද ඒ සියල්ලට පිලිතුරු සපයනවා කතාවෙන්,අද අතීත කතාව ලෙස ගෙනෙන්නේ සෙරීනා හා ෆ්‍රෙඩ්ගේ “කතුන්ගේ තැන” ප්‍රවර්ධනය වැඩ සටහන් ක්‍රියාත්මක වුනේ කෙලෙස දැයි දැන ගන්නටයි.
තව පුංචි දෙයක් හිතේ තියගෙනම අද කතාව බලන්න කියලා මතක් කරන්න කැමතියි. අද කතාව බලනකොට ජූන්ගේ මුහුනේ ඇතිවන / පෙන්වන හැඟීම් දිහා හොඳ ට බලන් ඉන්න. විශේෂයෙන් සෙරීනා එක්ක ගනුදෙනු කරනකොට. මෙහෙම තාත්වික රංගනයක් මීට පෙර ඔබ නොදකීවි.
අවසාන වශයෙන් අදින් පස්සේ කතාව මොනවා වේවිද කියලා, ඔයාටවත් මටවත් හිතාගන්න බැරි තැනක කතාව නතර වෙනවා. ? ගිහින් එන්නම් හැමෝටම ජය…!!! ?✌
Torrents Download
| WEBRip | x264 | TBS | 240MB |
E91C9D0DF9B57A39F72B3285A454B5650B0DA747
Direct Download
| WEBRip | x264 | TBS | 240MB |
