The Handmaid’s Tale [S03:E02] | මාර්තා වරුන්

කොහොමද බයිස්කෝප් වාසීන් හැමෝටම ? රතුවත හැදි ඉරණම් කාරීන්ගේ කතාවේ තෙවන කතා සමයේ දෙවන කොටසත් රැගෙනයි අද මේ පැත්තට ගොඩවුනේ. ඔයාල මේ වෙනකොටත් දන්නවා ඇතිනේ තෙවන කතා සමයේ කොටස් 3ක් 2019 ජුනි 05 වනදා එකවර අන්තර්ජාලයට මුදාහල වග. ඉතින් අද හැකි ඉක්මනින් මේ පැත්තට ගොඩවෙන්නේ IMDb දර්ශකයන්හී 8.5ක් ලෙස සටහන් වූ දෙවන කොටසත් රැගෙනයි. මේවන විට සමස්ථ කතාවම IMDb දර්ශකයේහි Top Rated ලැයිස්තුවේ #190 වන ස්ථානයේ රැදී සිටිනවා. ඉතින් මෙවැනි කතා මාලාවක් මගහැර නොගන්නයි ඉල්ලන ගමන් පසුගිය කොටස ගැන පොඩ්ඩක් විපරම් කරලා බලමු.

පසුගිය කොටසින්,

තෙවන කතා සමයේ ආරම්භය නව ආරම්භයක් කිව්වට නව ආරම්භයක් වුනේ නම් නෑ කියලා හොදාකාරවම ඔබත් මාත් දන්නවා. මොකද කතා මාලා 3ම එකට ගලාගෙන යන බැවින්. ජූන් සුපුරුදු පරිදි තමන්ගේ හැකියා කලින්ටත් වඩා වැඩිපුර විදහා දක්වන කතා සමයක් මෙවර වනවා නොඅනුමානයි. කලින් කතා සමයන් වලට වඩා ගිලීඩයට විරුද්ධ පාර්ශවයන් නැගී සිටින කතා සමයක් වේවි යැයි මට මෙන් ඔබටත් සිතෙනවා ඇති.

සාර්ථක මෙහෙයුමකින් අනතුරුව එමිලි හා පුංචි නිකෝල් හට කැනඩාවට ගොඩවීමට හැකියාව ලැබුනා මතක ඇති මේ අතරතුර. අනික් පසින් කමාන්ඩර් වෝටර්ෆෝර්ඩ්ගේ නිවසින් කමාන්ඩර් ලෝරන්ස්ගේ නිවසට ජූන් හට පත්වීමක් ලැබෙනවා. එය ඉබ්බා දියේ දැන්මා වගේ කියලා ප්‍රේක්ෂක ඔබට සිතෙනවා ඇති නේද. නමුත් තවමත් කමාන්ඩර් ලෝරන්ස්ගේ චරිතය ගුප්තයි. ටිකෙන් ටික ඒ ගැටලු වලට උත්තර හොයාගමු.

මෙවර කොටසින්,

මෙවර කොටස වෙන්වන්නේ මාර්තා වරුන්ටයි. අද කොටසින් ඔබ කවදාවත් නොදැකපු මාර්තාවරුන්ගේ පැතිකඩක් දකීවී. මම කලින් පැවසුවා වගේ අදත් ජූන්ගේ ක්‍රියාන්විත දැකගන්න පුලුවන් කොටසක් වේවි කියා කිසි සැකයක් නැහැ. වැඩිවිස්තර නොකියා කතාව බලලම තීරනය කරමු එහෙනම්. ගිහින් එන්නම්. හැමෝටම ජය…!!! ??