The Punisher [S02: E03]| ෂෙරිෆ් දෙපාර්තුමේන්තුවට ප්‍රහාරයක්!

ඉතින් මිත්‍රවරුනි පනිෂර් දෙවෙනි කතාමාලාවේ තුන්වෙනි කොටස කරන්න මට තමයි ලැබුනේ. කලින් වතාවේ මුල් කතාමාලාව නම් අපිට ඉක්මණටම දෙන්න පුලුවන් උනත් මේකට නම් ටිකක් කල් ගතවුනා. මොකද අපි මේක ගොඩ දාන්නේ අපේ සහෝදර උපසිරැසිකරුවෝ ටිකක් එක්ක එකතුවෙලා. ඉතින් ඒ අයත් වැඩ රාජකාරි මැද තමයි මේක කරන්නේ. අපි කොහොමහරි මේක දෙනවා කියලා ඔයාලා දන්නවානේ. ටිකක් ඉවසීමෙන් ඉන්න කියලා තමයි ඔයාලාගෙන් ඉල්ලන්න තියෙන්නේ.

ඉතින් කාස්ල් අහක යන ප්‍රශ්නයකට තමයි මේපාර අත දැම්මේ. අර ගෑණු ලමයාව බේරගන්න මෙයාට සෑහෙන ගානකට වැඩේ දෙන්න සිද්ධවුනා. එහෙම උනයි කියලා ඒ කෙල්ල පස්සේ එන අය නැවතුනේ නෑ. කාස්ල් නැවතුන හෝටලයටත් මේ කට්ටිය හොයාගෙන ආවා. එතනදිත් කාසල් එතන 4 ක් විතර මරලා දැම්මා. ඒත් වැඩේ ගැස්සුනා, මොකද එතනට ෂෙරිෆ්ලා කඩන් පාත්වුන නිසා. ඉතින් ඔන්න කෙල්ලටයි, කාසල්ටයි අර කල්ලියේ හිටපු ගෑණු කෙනාටයි හිරේට යන්න සිද්ධවෙනවා. ඉතින් එතනින් පස්සේ තමයි තුන්වෙනි කොටස දිගහැරෙන්නේ.

ෂෙරිෆ්ලා ගෑණු ලමයාගෙන් ප්‍රශ්න කරනවා මොකක්ද එතන උනේ කියලා. ඒත් එයා හරි දෙයක් කියන්නේ නෑ. තවම ඉතින් කාසල්ටවත් ඔච්චර උදව් කරලත් ඇත්ත කිව්වේ නැහැනේ. ගෑණු ලමයාගෙන් ප්‍රශ්න කරන අතරතුරේ අර කල්ලියේ ගෑණු කෙනා සහ කාසල්ව හිර කූඩුවට දානවා. ඉතින් මේ කල්ලිය ෂෙරිෆ් දෙපාර්තුමේන්තුවත් වටකරනවා. මොනවායින් මොනවා වෙයිද ? ඒ වගේම තමයි රූසෝ ඔන්න ඉස්පිරිතාලෙන් පැනගන්නවා. අපි බලමු එහෙනම් මොකද වෙන්නේ කියලා. ඔයාලාට ඊලඟ කොටස ලහිරු සහෝ අරගෙන එයි. තවත් උපසිරැසියකින් හමුවෙමු. ගිහින් එන්නම්.

ඒ වගේම දැනුම් දීමක් කරන්න තියෙනවා අපේ නවතම බයිස්කෝප් සිංහලෙන් වෙබ් අඩවිය වෙනුවෙන් නිර්මාණය කල ෆේස්බුක් පිටුව ගැන. මොකක් හෝ අහේතුවකට 130,000 අධික ලයික් ප්‍රමාණයකින් යුතු අපේ ෆේස්බුක් පිටුව මීට සති දෙකකට කලින් මකා දමා තිබෙනවා. ඒ වෙනුවෙන් අපි නැවත ෆේස්බුක් පිටුවක් ආරම්භකොට තිබෙනවා. මුහුනුපොත තුල උපසිරැසි පළකිරීම් ගැන දැනුවත් වෙන්න ඒ පිටුව සමහ මෙතනින්එක්වෙන ලෙසින් හැමෝටම ආරාධනා කරනවා.