The Terror [S01 : E02] | හිම කතරේ සැඟවුණු මාරයා..!

ආයුබෝවන් යාළුවනේ…!

ඉතිං මේ අරගෙන එන්නෙ ටෙරර් කතා මාලාවේ පළමුවන කතා සමයේ දෙවැනි වෙළුම.. මේක ඇත්තටම මාරම ලස්සන කතාවක්. අනිවාරෙන් බලන්නනම ඕනෙ කතාවක්. හැබැයි ඉතිං සිංහෙලෙන් බලනව වගේ ලේසිනම් නෑ මේක ඉංග්‍රීසියෙන් සිංහලට පරිවර්තනය කරන එක. මේක තනිකරම සාහිත්‍යමය ශේක්ස්පියර් ඉංග්‍රීසි වලින් කරල තියෙන්නෙ. ඉතිං මාර පරිස්සමෙන් සෑහෙන ලොකු ගේමක් දීල තමයි මම මේ එක එපියක් ඉවර කරගන්නෙ. සාමාන්‍යයෙන් මට වෙන උපසිරැසියක් කරන්න යන කාලය වගේ තුන් ගුණයක කාලයක් මේකෙ එක එපියක් ලියන්න ගත වෙනව. ඒක කමක් නෑ. කොහොමහරි මම මුළු සීරීස් එකම අරගෙන එනව ඔබේ උසස් රසාස්වාදය සඳහා. එහෙනම් පහුගිය කොටස ගැන පශ්චාත් විපරමක යෙදිලම අපි අද කොටස ගැන බලමු.

පහුගිය කොටසින්..

ඉතිං කලින් කොටසින් දැනගන්න පුළුවන් වුණානෙ කතාවේ පදනම.. ඒ කියන්නෙ එංගලන්තයෙන් ටෙරර්, එරබස් නෞකා පිටත් වෙලා ආර්ටික් වලට ආවට පස්සෙ ඔවුන් කොහොමද හිම කාන්තාරයේ හිර වෙන්නෙ කියල.. මෙතනදි අධික ශීතල දරාගන්න බැරි ඇතැම් අය මිය යනව කියන කාරණාවත් පැහැදිලි වුණා. ඒ වගේම කපිතාන්වරුන්ගේ අදූරදර්ශී ක්‍රියාවන් නිසා ටෙරර්, එරබස් නෞකා දෙකම මහා සාගරේ මිදිල එකම තැනක හිර වුණා. දැන් ඔවුන්ට ශීතකාලය අවසාන වෙනකං කිසිවක් කරගන්න බැහැ. ඒ අතරෙ අර මුහුදට වැටුණු නාවිකයගෙ මිනිය දැකල, නැවේ අවරපෙත්තෙ තිබුණු හිම කඩන්න ගියපු හාදය හොඳටම බය වෙනව. ඒ වගේ මූසල වටපිටාවක මුහුද යට මළ මිනියක් දකින කවුද බය නොවෙන්නෙ. කොහොමහරි අවසානාවක පෙරනිමිති පහළ කරමින් ටෙරර්, එරබස් නෞකා දෙක දීර්ඝකාලීන විවේකයකට සැරසුණා. ඔහොම තමා මුල්ම කොටස අවසන් වුණේ.

අද කොටසින්..

අද ඔබට සැබෑ භීෂණය ආරම්භ වෙන විදිය දැකගන්න පුළුවන්. හිරවුණු ටෙරර්, එරබස් නෞකා දෙකට ශීත කාලය අවසන් වීමෙන් පස්සෙ විවෘත සාගරයට ඇතුළු වෙන්න පුළුවන් විදියෙ පාරක් හොයාගෙන ගවේෂක කණ්ඩායම් කීපයක් දිශාවන් කිහිපයකට පිටත් කරල හරිනව. හැබැයි ඔවුන්ගෙන බොහෝ පිරිසක් එන්නෙ අවාසනාවන්ත විදියට එහෙම පාරක් නෑ කියන පණිවුඩය අරගෙන. එකින් එක ලැබෙන මේ විස්තර නිසා කපිතාන් ටිකක් නොසන්සුන් වෙනව. මේ අතර බටහිර ගවේෂණ කණ්ඩායම අරගෙන එන්නෙ භීෂණකාරී පුවතක්. ඩොක්ටර් ගුඩ්සර් ඇතුළු බටහිර කණ්ඩායමට අවාසනාවන්ත ඉරණමකට මුහුණ දෙන්න වෙනව. ඒ මොකද්ද? ඔවුන්ගෙ ගමන් සගයෙකුගේ ඉරණම සහදටම විසඳෙන්නෙ මොන තරම් භීෂණකාරී විදියකටද කියන එක බලාගන්න ඕනෙද? මේ හැම සිදුවීමක් පිටිපස්සෙම අනාගතේ මහා ඛේදවාචකයක ලක්ෂණ පහළ වෙනව. ඉවසගෙන ඉන්න. ඊලඟ කොටස තවත් භීෂණයෙන් පිරුණු කොටසක්.. එහෙනම් මම ගිහින් එන්නම්.

ජය වේවා…!

| HDTV | x264 | SVA | 220MB |

 Direct Download