You Were Never Really Here (2017) | නොදකින ජීවිතය…

අපේ කතා නායකයා එහෙනම් නැත්නම් ජෝ, විශ්‍රාමික සොල්දාදුවෙක් වගේම FBI නියෝජිතයෙක්, නමුත් ඔහු සිය රැකියාවන් තුල දී දුටු දේ නිසාවෙන් අධික මානසික ආතතියකින් (PTSD) පෙලෙන පුද්ගලයෙක්. මොහු රැකියාව හැටියට කරන්නේ අතුරුදහන් වුන ගැහැණු දරුවන් සොයා දීම, සොයා ගන්නා එකෙන් නතර වෙන කෙනෙක් නෙමෙයි මොහු, ඔහු ඒ ගැහැණු දරුවන් පැහැරගෙන ගියවුන් හා අයුතු ලෙස කෙලසුවන්ට දඬුවම් ලබා දෙන්නෙක්. තමුන්ගේ මවත් සමඟ දුක්කිත ජිවිතයක් ගත කරනා ජෝ, රැකියාවේ දී අතිශය කුරිරු තැනැත්තෙක් කිවහැකි. ඔහුගේ ප්‍රියතම ආයුධය වෙන්නේ මිටිය… ඉතින් හිතාගන්නට හැකි වේවි නෙව…

එක්තරා විදිහකට සාමකාමී මේ ජිවිතයට කණකොකා හඬන්නේ ඔහුට භාරවන කටයුත්තක් නිසාවෙන්. ඔහුට සෙනෙට් සභිකයෙක් තමුන්ගේ ගෙදරින් පැන ගිය, දැන් ළමා ගණිකා වහල් සේවයේ නියුතු තමුන්ගේ දුවණිය එම ගණිකා නිවසින් මුදවාගෙන නැවතත් තමුන් වෙත ගෙනත් දීම තමයි ඔහුට කරන්නට තියෙන්නේ. ඔහු සාර්ථක ලෙස මේ කුඩා දැරිවිය බේරා ගන්නවා, නමුත් ඒ තමයි ඔහු සාර්ථක වෙන අවාසනාව ගෙනෙන සිදුවීම් දාමයක උදාව. නැවතත් ඇයව, ඇයගේ පියාට භාර දෙන්න සුදානම් කරගත් තැනට යාමට සුදානම් වෙනකොට ඔහුට දැනගන්නට ලැබෙනවා ඇයගේ පියාව ඝාතනය කර ඇති බව, ඒ එකක්ම දොරට තට්ටු කරනා හඬකින් පියවි සිහිය ලබනා ඔහු දකින්නේ පොලිස් වෙඩි පහරකින් තමුන් ඉදිරියේ මරු වැලද ගන්නා හෝටල් සේවකයෙක්… දැන් පොලිසිය සම්බන්ධයි…. ඔවුන් ඔහු ආදරය කරන සියලු දෙනා පසුපසම යනු ඇති… ඔහුට මේ ඝාතන දාමය කොතනකින් නතර කර ගැනීමට හැකි වේවි ද? අර දැරිවියගේ ඉරණම කොහොම වේවි ද? මෙහි අවසානය සතුටු දායක එකක් වේවි ද? ඇයි ඔහු මෙවැනි රැකියාවක් තෝරා ගත්තේ ? ඒ එක්කම මේ කුඩා දැරියගේ පියාගේ පැත්තෙන් තවත් අඳුරු කතාවක් දිගහැරෙනවා නමුත් පොඩි ඉගි ටිකක් විතරයි ඒ ගැන බලා දෙන්නේ බලන්න, ඔබට එය තේරුම්ගත හැකි වේවිද කියල…. සියල්ල දැකගත හැකි මේ කතාව බැලුවොත්.

2017 Cannes සිනමා උළෙලේ දී දොරට වැඩුන මේ නිර්මාණය අවසාන වීමත් එකක්ම ප්‍රේක්ෂකාගාරය මිනිත්තු 7 ක් පුරාවට තමුන්ගේ අසුන්වලින් නැගිට මේ සිනමා නිර්මාණයට තමුන්ගේ ආචාරය පුද කරන්නට වග බලා ගත්තා විතරක් නෙමෙයි, මෙහි අධ්‍යක්ෂණය හා තිර රචනය සිදුකල Lynne Ramsay එම සිනමා උළෙලේ හොඳම පිටපතට හිමි සම්මානය ලබා දෙන්නත්, මෙහි ප්‍රධාන චරිතය නිරුපනය කරනා Joaquin Phoenix හට එම සිනමා උළෙලේ හොඳම නළුවා ලෙස සම්මාන බලා දෙන්නටත් කාරුණික වුනා. ඉතින් එහෙම විශිෂ්ඨ සිනමා නිර්මාණය ප්‍රේක්ෂකයන්ට දැනගන්නට හැකි වෙන්නේ 2018 අප්‍රේල් 6 වැනිදායින් පසු, ඉතින් මේ ඒ සඳහා ඔබේ වාරයයි…

IMDB මීටරයේ 7.4 ක්, රෝටන් ටෝමාටෝ දර්ශකයට අනුව 88% වගේ ඉහල අගයක් ලබාගෙන ඇති, Drama, Mystery, Thriller කාණ්ඩයන් නියෝජනය කරනා, පැය 1 කුත් මිනිත්තු 30 කාලයක් පුරා මිනිස් සිත හා සියල්ල නැති වූ මිනිසෙකු කොතරම් දුරක් යනු ඇති දැයි හඬනගා පවසන මේ සිනමා නිර්මාණය ඔබට භාරයි. එහෙනම් තවත් උපසිරසක් එකක් හමුවෙමු…