Zoo [S03 : E11] | නව ජිවිතයක්, අලුත් අපේක්ෂාවක්!

ඔන්න එහෙමනම් ගෙනාවා එකොලොස්වන කොටසත්. හරි එහෙමනම් අපි බලමු මේ කොටහේ මොනාද සිද්ද වෙන්නේ කියලා.

කලින් කොටහේ ඇබිගේල්ට ආපහු පණ ලැබිලා යානේ හිටිය හැම කෙනෙක්ටම පහර දීලා යන්න ගියා. ඉතින් කට්ටිය මැරෙන්න වැටිලා ඉන්න වෙලාවක ඔන්න ක්ලෙම්ට සිහිය ඇවිත් ටැංකියෙන් එළියට එනවා. ඒබ් එන්නත් කළ බෙහෙත නිසා ක්ලෙම් දැන් පූර්ණකාලීන ගැබිනියක්. ඉතින් එළියට ඇවිත් බැලින්නම් යානෙ හැමෝම තැන තැන මැරෙන්න වැටිලා ඉන්නවා තමයි ක්ලෙම්ට මුලින්ම දකින්න ලැබෙන්නේ. කොහොමහරි ක්ලෙම් සෑම්වත් කූඩුවෙන් එළියට අරගෙන කට්ටියගෙම ජිවිත බේරගන්න තමයි උත්සහ දරන්නේ.

ඊටත් වඩා ලොකුම අවුල වෙන්නේ බීජාණු වගයක් හුළගට මුසුවීම හින්දා යානයට කොහෙවත් යාගන්න බැරුව සියෝල්වලම හිරවෙන එක. IADG එක ටෝකියෝවල තියෙන සංඥාවක් අක්‍රීය කරලා දාන්න උත්සහ කළත් අන්තිමේ ඒකෙන් සිද්ද උනේ කිසිවෙක් නොසිතු විනාශයක්. ඒ තමයි සමස්ත ටෝකියෝ නගරයම විනාශ වෙලා යන එක. ඉතින් මේ අල්ලපනල්ලේ යානයේ ඉන්න කට්ටියට බීජාණුවලින් ආරක්ෂා වෙන්න ක්‍රමයක්, ක්ලෙම්ගේ දරු ප්‍රසූතිය සාර්ථකව සිද්ද කිරීමේ වගකීම, වගේම ඒබ්ගේ ජිවිතේ බේරගන්න වගේ ගැටළු රාශියකට මුහුණ පාන්න වෙනවා.

කොහොමින් කොහොමහරි ඒ සේරම ප්‍රශ්න ටිකත් විසදගෙන සාර්ථක ලෙස දරු ප්‍රසුතියක් කරන්න ක්ලෙම්ට හැකියාව ලැබෙනවා. හැබැයි අලුත් ජිවිතයක් උපදින අවස්ථාවේම කතාවෙන් කෙනෙක් සමුගන්නවා දැකගන්නත් පුළුවන්. හොදයි එහෙමනම් ඊලග කොටහෙන් හමුවෙන අපේක්ෂාවෙන් මා සමුගන්නවා. ඔබ සැමට ජය.